- Helduei zuzendutako bisitaldiak larunbat honetan hasi eta irailaren 30era arte egingo dira, asteartetik larunbatera; “Ezagutu familian” modalitateko bisitak, berriz, irailaren 18an eta 25ean izango dira.
- “Ezagutu oinez” bisitetan parte hartzeko izen-emateak gaurtik aurrera egin ahal izango dira bilbokultura.eus webgunearen bidez.
- Bilbao IZAN, Hiribilduaren ondarea zabaltzeko udal-proiektua, auzo bilbotar honen sekretuak erakustsiko ditu, honako programa hauen bidez: “Ezagutu Oinez” eta “Ezagutu familian”. Programa horiek, gainera, “Txio Ta Txio” bideoekin osatuko dira, Castaños auzoari buruzko istorioak erakusten dituztenak, eta sare sozialen bidez zabalduko dira.
(Bilbon, 2022ko abuztuaren 29an).- Bilboko Udalak Castaños auzoa aukeratu du irailean zehar BILBAO IZAN programaren bisita gidatuak egiteko. Bolueta, Iturralde eta Atxuri bisitatu ondoren, Castañoseko ibilbideak larunbat honetan, irailaren 3an, hasiko dira eta hilaren 30era arte egingo dira.
Beste behin ere, ondarea zabaltzeko “Bilbao Izan” programak plan ezin hobea eskaintzen du bilbotarrek eta bisitariek Bilboko auzoak ezagutu ditzaten, modu atsegin, interesgarri eta bitxian, bi bisita-modalitateen bidez: “Ezagutu oinez” eta “Ezagutu familian”.
EZAGUTU CASTAÑOS OINEZ
Castaños izaera propioa duen auzoa da, ingurune atseginean dago, ondare historiko aberatsa du eta, aldi berean, etorkizunean murgilduta dago Gaur egungo Castaños auzoak hartzen dituen lurretan, gari batean, kaiak, haritzak eta hiria hornitzen zuten baratzeak zeuden. Horrez gain, bilbotarrek inguruak begiratzeko, atseden hartzeko eta aisiarako erabiltzen zuten lekua ere bazen, eta familia burges batzuek bertan eraiki zituzten euren jauregiak eta landetxeak. Gero tranbia eta, zalantza barik, auzoko ikonoa den funikular ospetsua heldu ziren. Bertako kaleetan zehar, auzoaren historiaren eta eraldaketaren lekuko izan ziren eraikin handiak ikusteko aukera izango da, horien artean garbitoki zaharra edo Tiboliko eskolak. Baina desagertutako fabrikei, txokolateari eta azpiegitura berriei buruz ere entzungo da.
- Castaños-eko bisitak ordu eta erdikoak dira, eta astearte eta asteazkenetan 16:30ean eta 18:30ean izango dira; ostegun eta ostiraletan 11:00etan eta 18:30ean; eta larunbatetan 10:30ean eta 12:30ean.
Bisita gidatua euskaraz egin nahi duenak ostegun arratsaldeetan izango du aukera. Eta euskarazko taldeen kasuan, taldearekin adostuko da eskariaren eguna eta ordua. Horretarako, eskaera bat bidali behar da posta elektronikoz helbide honetara: [email protected].
EZAGUTU CASTAÑOS FAMILIAN
Castaños auzoan ere egingo dira “Ezagutu Familian” programaren bisitak, lau urtetik gorako haurrak dituzten familientzat diseinatuak. Bisita horietan, jolas eta ipuinen bidez, familiek auzoa beste modu batera eta begirada bitxi eta sortzaile baten bidez ezagutuko dute, esplorazio-kit bati esker. Zentzumenak irekita eta arretaz begiratuz, helduek eta txikiek auzoa ikuspegi berrietatik ezagutuko dute.
- Bisitak, ordu eta erdikoak ere, Irailaren 18an eta 25ean izango dira, 12:30ean, eta elebidunak izango dira, euskaraz eta gaztelaniaz.
IZENA EMATEA, ELKARGUNEA ETA NOLA IRITSI
Helduei zuzendutako ekimenaz gozatu nahi duten pertsona guztiek izena eman dezakete gaurtik aurrera bilbaokultura.eus webgunean. Ezinbestekoa da erregistratzea, ekintzan parte hartu ahal izateko. “Ezagutu Familian” modalitatearen kasuan, erreserbak 48 ordu lehenago aktibatuko dira.
- “Ezagutu Castaños Oinez” programaren bisitetarako topagunea Campo Volantin pasealekua (13. zenbakiaren parean) izango da.
- “Ezagutu Castaños familian” bisitetan parte hartu nahi duenak, bere gidekin elkartuko da Salbe zubiko igogailuan (Unibertsitate etorbidea 1).
Ibilbideak aire librekoak direnez, baliteke, euria egiten badu, jarduera zertxobait aldatuta egotea.
TXIO TA TXIO
BILBAO IZAN programaren barruan, Udalak Txio Ta Txio ekimenaren bosgarren edizioa martxan du. Oraingo honetan, Castaños izango da saioaren ardatza. Bideo horiek 90 segundotik beherakoak dira, eta udal-profiletan partekatuko dira, Hiribilduko auzoetako bitxikeriak ezagutarazteko.
Txio ta Txio bideoetan, pertsonaia garrantzitsuek eta Bilboko hainbat auzorekin lotutako pasadizoek hartzen dute protagonismoa, eta Bilboko Izan Facebookeko profilean eta Bilbao Kulturako Instagram profilean izango dira eskuragarri, baita Bilbao Udalaren sare sozialetako profiletan ere. Bertatik, hiriaren historiaren zati txiki eta bitxi horiek ezagutzera eman nahi dituzten pertsona guztiek beren profiletan partekatu ahal izango dituzte, horrela, hiriko auzoen historia eta idiosinkrasia berraurkituz.
BILBAO IZAN
Ekimen hauek BILBAO IZAN proiektuaren barruan kokatzen dira. BILBAO IZAN markaren atzean, Udalak Kultura uriaren funtsa zabaltzeko bultzatzen dituen programa guztiak: historia, ondarea, pertsona garrantzitsuek utzitako aztarna, hirigintza, auzoen historiak, kaleen eta bazter bitxienak.
BILBAO IZAN batez ere herriko biztanleentzat da, baina zabalik dago, halaber, hiria bisitatzen duten pertsonentzat eta hainbat arrazoirengatik hiriaren ezagutzan sakondu nahi duten guztientzat.
BILBAO IZAN erabat konprometituta dago Bilbao Balioen Hiria proiektuarekin, Bizkaiko hiriburuan balio partekatuen esparru bat sustatu nahi baitu; besteak beste, konpromisoa, ahalegina, ilusioa, parte-hartzea, sormena eta, bereziki, nortasuna.
Programa honek Deiaren babesa du.
SARE SOZIALAK:
