- Hitzaldia Jon Irazusta Astiazaran UPV/EHUko Fisiologia Saileko irakasle eta ikertzailearen eskutik etorriko da.
- Hitzordua 19:00etan hasiko da, Bidebarrietako liburutegiko Areto Nagusian.
- Sarrera librea izango da leku-kopurua bete arte, baina ezinbestekoa da doako gonbidapenetako bat eskuratzea. Streaming bidez ere jarrai daiteke www.kulturguneatb.eus webgunearen bidez.
Bilboko Udaleko Bidebarrieta Kulturguneak BIDEBARRIETA ZIENTIFIKOA zikloaren jardunaldi berri bat hartuko du MAIATZAREN 19an, ASTEAZKENA, “Actividad física en tiempo de COVID-19: Beneficios, barreras y oportunidades” izeneko hitzaldiarekin, Jon Irazusta Astiazaran UPV/EHUko Fisiologia Saileko irakasle eta ikertzaileak emana.
Hitzaldia 19:00etan hasiko da Bidebarrietako Liburutegiko Areto Nagusian, eta COVID-19 eragindako pandemiak bizi-ohituretan izan duen eragin handia aztertuko du, jarduera fisikoa barne. Hala agindutako neurriek (konfinamenduak eta eskaintzaren mugak) nola etxetik ateratzeko edo jardueretara joateko beldurrak jarduera fisikoa murriztu dute herrialde gehienetan.
Fisikoki aktibo izateak, gaixotasun kronikoen prebentzioan duen eragin ezagunaz gain, pertsonak COVID-19aren larritasunetik ere babes ditzake, baita heriotza-tasa murriztu ere. Hitzaldian, arlo horretan dauden ebidentzia zientifikoak deskribatuko dira, eta osasunerako alternatiba onuragarriak eta jarduera fisikoarekin zerikusia dutenak proposatuko dira.
Jon Irazusta Astiazaran UPV/EHUko Fisiologia Saileko irakaslea eta ikertzailea da. Zelulen komunikazioaren arloan hasiera batzuk eman ondoren, gaur egun jarduera fisikoari eta osasunari buruzko ikerketa-lerro bat zuzentzen du. Arlo horretan, talde ahuletan egindako ariketa fisikoaren onurei buruzko ekarpenak egin ditu batez ere, eta ondorioak diziplina anitzeko ikuspuntutik aztertu ditu. 150 artikulu baino gehiago argitaratu ditu nazioarteko zientzia-aldizkarietan, eta 26 doktore-tesi zuzendu ditu.
BIDEBARRIETA KULTURGUNEA Bidebarrietako liburutegiaren barruan kulturari eskainitako gunea da. Kultura, literatura eta zientzia garatzea eta sustatzea du helburu.
SEGURTASUN NEURRIAK
Hitzaldi horretara joateko, ezinbestekoa da doako gonbitetako bat erreserbatzea, www.bilbaokultura.eus/bidebarrietakulturgunea.
Egungo egoeraren ondoriozko segurtasun neurriak direla eta, aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, aurkezpena streaming bidez jarraitu ahal izango da www.kulturguneatb.eus webgunean.
Une bakoitzean indarra duten babes eta higiene neurriak zorrotz beteko dira. Era berean, ekitaldia egiten den bitartean maskara erabili beharko da.
BIDEBARRIETA ZIENTIFIKOA
Hitzaldia UPV/EHUko Kultura Zientifikoko Katedrak eta BIDEBARRIETA KULTURGUNEAk bultzatutako Bidebarrieta Zientifikoa hitzaldi-zikloaren barruan kokatzen da, zientzia- edo teknologia-gaiak publiko zabalari hurbiltzeko, zorroztasuna galdu gabe.
Hitzaldia #BILBAOUDABERRIA2021 programazioaren parte ere da. Udaberrian hiria aisialdi- eta kultura-planez betetzen duen udal-ekimena da.
SARE SOZIALAK:
- Bilbao Udala: FACEBOOK | TWITTER | INSTAGRAM
- Bilbao Kultura: YOUTUBE | FACEBOOK | TWITTER | INSTAGRAM
#BILBAOUDABERRIA2021
www.bilbaokultura.eus
