- Hitzordua 19:00etan hasiko da, Bidebarrietako Liburutegiko Areto Nagusian.
(Bilbon, 2022ko otsailaren 15ean).- Bilboko Udaleko Bidebarrieta Kulturgunean Luis Landero izango da ASTEARTEAN, HILAK 22, “Una historia ridícula”, bere azken eleberria, aurkezteko. Autorearekin batera César Coca kazetaria izango da.
“Una historia ridícula” liburuan, Luis Landerok Marcialen istorioa kontatzen die irakurleei. Marcial zorrotza da, hitz-dohaina du, eta harro dago bere prestakuntza autodidaktaz. Halako batean, liluratu ez ezik, bizitzan izan nahi lukeen guztia biltzen duen emakume batekin topo egiten da: gustu ona, jarrera ona, jende interesgarriarekin harremanak dituena. Bera, bere buruaren kontzeptu handia duena, haragi-enpresa bateko arduraduna da. Emakumeak, Pepita bezala aurkeztu dena, artea ikasten du eta familia aberatsa du. Martzialek bere maitasun-istorioa kontatu behar du, bere talentuen hedapena hura konkistatzeko, beste ezkongaiei lekua kentzeko estrategia eta, batez ere, maitalearen etxean festa batera gonbidatu zutenean gertatutakoa.
Luis Landero (Alburquerque, Badajoz. 1948) filologia hispanikoan lizentziaduna da Unibertsitate Konplutentsean, literatura irakatsi du Madrilgo Arte Dramatikoaren Eskolan, eta irakasle gonbidatua izan zen Yaleko Unibertsitatean. “Juegos de la edad tardía” (Kritikaren Saria eta Narratibaren Sari Nazionala, 1990) eleberriaren ondoren “Caballeros de fortuna” (1994), “El mágico aprendiz”, “Absolución” El País egunkariko kritikariek urteko Espainiako nobelarik onena izendatua, “El balcón en invierno” (Madrilgo Liburu-saltzaileen Urteko Liburua Saria eta Dulce Chacón 2015 Saria), edo, bere elberrria azken arrakasta handiarekin, “Lluvia fina”, aho batez 2019ko Espainiako nobelarik onena hautatua. 2021ean, memoria eta irakurketen liburu hibrido bat argitaratu zuen, “El huerto de Emerson”, hainbat hizkuntzatara itzulia..
César Coca Kazetaritzako doktorea eta Informazio Zientzietako eta Politika Zientzietako eta Soziologiako lizentziaduna da. Bere ibilbide profesional guztia El Correorekin lotuta egon da, eta Ekonomia, Herria eta Gizartea eta Kultura arloetan lan egin du. Dozena bat libururen egile edo egilekide izan da eta Miguel de Unamuno Saiakera Saria irabazi zuen 2006an. Kazetaritzako irakaslea da UPV/EHUn, baita El Correoko eta EHUko Kazetaritza Masterrekoa ere.
BIDEBARRIETA KULTURGUNEA kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
Sarrera doakoa eta librea da leku guztiak bete arte. Bertaratzerik ez badago, aurkezpena streaming bidez jarraitu ahal izango da www.kulturguneatb.eus webgunean.
SEGURTASUN NEURRIAK
- Maskara nahitaez erabili behar da barreneko ekitaldi guztietan.
SARE SOZIALAK
