BILBOKO UDALAREN “EXPODISTRITO” PROGRAMAK ARGAZKI- ETA PINTURA-ERAKUSKETA IBILTARIAK ERAMANGO DITU IRAILETIK AURRERA AUZOETARA

  • “Expodistrito” programaren edizio berri honen laginak San Inazio – Ibarrekolanda, Castaños, Otxarkoaga, Begoña, San Frantzisko, Santutxu, Alde Zaharra, Abando eta Errekalde udaltegietan ikusi ahal izango dira.
  • Programazioa María Raquel Bartolomé Gutiérrez, Lorena Pazos Rojo, Begoña Rodríguez, Conchi Artero, Santiago Ortega Sánchez-Diezma, Carmen Ruiz Zaldibar eta Javier Trapero Alonsoren eskutik helduko da.
  • Ekimen hau Bilboko Udalaren eskutik dator eta hiriko arte-adierazpenak deszentralizatu eta artista berri eta ezagunen lana jendaurrean aurkeztu nahi du.

(Bilbon, 2022ko abuztuaren XXean).- Bilboko Udalak antolatutako Expodistrito aldi baterako erakusketa deszentralizatuen zikloa irailean itzuliko da argazki- eta pintura-proposamen berriekin. Edizio berria irailaren 1ean hasiko da eta urtarrilaren 11ra arte iraungo du.

Edizio berri honetan, bilbotarrek Expodistritoko proposamen artistikoez gozatu ahal izango dute Abando, Begoña, Alde Zaharra, Castaños, Otxarkoaga, Errekalde, San Inazio – Ibarrekolanda, Santutxu eta San Frantziskoko Udaltegietan. Guztiak doakoak dira eta goizez eta arratsaldez bisitatu ahal izango dira.

Bilboko Udalaren programa dekano honetan parte hartzen duten artistak María Raquel Bartolomé Gutiérrez; Lorena Pazos Rojo; Begoña Rodríguez; Conchi Artero; Santiago Ortega Sánchez-Diezma; Carmen Ruiz Zaldibar; eta Javier Trapero Alonso dira.

ERAKUSKETAK, ESPAZIOAK ETA DATAK

  • MARÍA RAQUEL BARTOLOMÉ GUTIÉRREZ – Nire bizitzako koloreak

Margoa

“Koloreekin jolastu. Koloreak bilatu, harrapatu, irudikatu, nire emozioen memoriarekin konektatuz. Meditazio horretan aurkitzen dut bizitzaren erritmoa jarraitzeko behar dudan positibotasuna. Margoaren eta buztin-lanen artean, idatzitako hitza azaleratzen da, eta zikloa osatu, eta berriro ere hasten da. Horixe da nire sormen-prozesua”, adierazten du artistak.

Irailak 1-15 – San Inazio – Ibarrekolanda 

Urriak 3-14 – San Frantzisko

Urriak 18-28 – Errekalde

Azaroak 2-15 – Santutxu

Azaroak 17 – Abenduak 20 – Castaños

Abenduak 22 – Urtarrilak 11 – Abando

  • BEGOÑA RODRÍGUEZ – Nostalgia

Argazkigintza

Erakusketa hau, artistaren arabera, “Edizio-modu berriak aurkitzen ditu, nire begiaren pertzepzio sortzailea nire irudien bidez nabarmentzeko. Eta harritu egiten nau argazkigintzak xehetasunez beteriko mundu bisual berria eta inguratzen nauenaren pertzepzio berriak irekitzen dizkidala ikusteak. Gainera, beti lotzen ditut irudiak musika edo literaturarekin. Izan ere, ezinbestean zure emozioetara eramaten zaituen narrazio isila da argazkigintza. Horregatik, bada, «oroimina» oinarri duen erakusketa aurkezten dizuet, 6 bildumatako 30 argazkirekin, koloretan eta zuri beltzean.”

Irailak 1-15 – Castaños

Irailak 19-29 – Santutxu

Urriak 3-14 – Errekalde

Azaroak 2-15 – La Bolsa Eraikina

Azaroak 17 – Abenduak 20 – Begoña

Abenduak 22 – Urtarrilak 11 – San Inazio-Ibarrekolanda

  • LORENA PAZOS ROJO – Hemen!

Argazkigintza

Argazki sorta, ikusarazi nahi duena emakumeak duen balioa, ibili edo bizi dituen eremuetan, egunerokoan eta ohiz kanpoko egoeretan. Kaleko begirada bat aniztasunari, bat-batekotasunari.

Irailak 1-15 – San Frantzisko

Irailak 19-29 – San Inazio-Ibarrekolanda

Urriak 18-28 – Otxarkoaga

Azaroak 2-15 – Begoña

Azaroak 17 – Abenduak 20 – Errekalde

Abenduak 22 – Urtarrilak 11 – La Bolsa Eraikina

  • CONCHI ARTERO

Margoa

Zerua da artistahonen lanen protagonista. Begiratzeak errespetu eta miresmen handia eragiten du, eta, aldi berean, bake- eta ongizate-sentimendu bat zabaltzen du, artistak bere koadroetan transmititu nahi dituen emozioak. Gaiak, funtsean, Euskal Kostaldeko eta Kantabriako paisaiak dira. 2015az geroztik, Parisko Udazkeneko Aretoaren edizio guztietan parte hartu du. Hauxe da Bilbon egin duen lehen erakusketa.

Irailak 19-29 – Begoña

Urriak 3-14 – La Bolsa Eraikina

Irailak 18-28 – Santutxu

Azaroak 17-30 – Otxarkoaga

Abenduak 1-20 – Abando

Abenduak 22 – Urtarrilak 11 – Castaños

  • SANTIAGO ORTEGA SÁNCHEZ-DIEZMA

Margoa

El Atelier de Santiren bildumako tranpantojoek irudikatzen dituzte denboraren joanak oroimenaren itzaletan ilundu duen egunerokotasunaren txokoak. Erakusketa hau da herritik hirira etorri direnentzat. Gizon eta emakume baserritarrei, nekazaitzari, merkataritza txikiari, artisautzari eta garai hartako bizimoduari eta aisiari egindako omenaldia da.

Irailak 1-23 – Abando

Urriak 3-14 – Begoña

Urriak 18-28 – San Frantzisko

Azaroak 2-15 – Castaños

Azaroak 17 -20 – San Inazio-Ibarrekolanda

Abenduak 22 – Urtarrilak 11- Santutxu

  • CARMEN RUIZ ZALDIBAR

Margoa

Bere margo akrilikoen bilduma bat aurkezten du, kolorez eta kontraargiz beteak, bizitzaren etapa desberdinetan egindakoak. Toki edo paisaia arruntek eta norbanakoen begiradek ezkutatzen dutena esploratzeko, irudikatzeko, jakiteko beharrari erantzuten dio haren lanak; eta bere helburu bakarra da margootan murgiltzeko prest daudenen irudimena, jakin-mina eta sentipenak esnaraztea.

Irailak 1-15 – Begoña

Irailak 19-29 – Castaños 

Irailak 3-14 – San Inazio–Ibarrekolanda

Azaroak 2-15 – Errekalde

Azaroak 17-30 – La Bolsa Eraikina

Abenduak 2-20 – Santutxu

Abenduak 22 – Urtarrilak 11- San Frantzisko

  • JAVIER TRAPERO ALONSO

Argazkigintza

“Bilbon jaio nintzen. Hamabost urte neukanetik, kamera bat izan dut esku artean. Betidanik gustatu zait argazkiak ateratzea eta uneak sortzea; muin hori izoztea”, adierazi du artistak.

Irailak 1-15 – Santutxu

Irailak 19-29 – Errekalde

Urriak 3-28 Castaños

Azaroak 2-15 – San Inazio-Ibarrekolanda

Abenduak 2-20 – Otxarkoaga

Abenduak 22 – Urtarrilak 11- Begoña

EXPODISTRITO

EXPODISTRITO programa, Bilboko Udalaren ekimena da, eta bere helburuen artean hiribilduko arte adierazpenak deszentralizatzea eta ikusleei artista gazteen lanak aurkeztea daude, eta baita jada ezagunak diren beste batzuen erakustoki izatea ere. 

Ohikoa denez, erakusketak lekuz txandakatzen joango dira, eta erakusketa bakoitzaren egun zehatzak udaltegietan, barrutietako programazioa jasotzen duen webgunean (www.kulturabarrutik.eus) eta 010 telefono zenbakian kontsulta daitezke.

SARE SOZIALAK

www.bilbaokultura.eus