Indautxu plazak eta Egaña kaleak kontzertuak eta animazioa jasoko dituzte, eguerdian 12:30etik aurrera eta arratsaldean 18:00etatik aurrera.
Bilboko Udalak Musikaren Europako Eguna ospatuko du asteazken honetan, zenbait musika proposamenekin eta kaleko animazioarekin, Indautxu Plazan eta Egaña kalean. Goizeko programazioa 12:30ean hasiko da, eta arratsaldekoa 18:00etatik 22:00etara luzatuko da, inguru horietan jende gehien ibiltzen den uneez baliatuz.
Musikaren Europako Egunaren edizio honetan Bilboko Txistulari Bandak, Mr Jam Musika Zentroak, BilbaoMusikako taldeek eta kaleko bi musika bandek, Granujas a Todo Ritmok eta Marmarak, hartuko dute parte. Programazioa kaleko animazioarekin osatuko da, familia osoari zuzenduta egongo den eta 3 orduz sketch komiko laburrak eskakiniko dituen Barre konpainiaren “Juan Palomo ya está aquí” ikuskizunarekin.
Egitaraua, horretarako onetsi diren eta partaidetzan oinarrituta dauden aurrekontuen bitartez barruti bakoitzean gauzatu beharreko kultur jarduerak proposatzeko prozesuaren barruan 6. Barrutiko – Abandoko Kontseiluak martxoan Kultura Sailari egin zion proposamenetik sortu da.
EKAINAREN 21EKO EGITARAUA
Indautxu plaza
12:30 BILBOKO TXISTULARIEN BANDA
18:00 / 22:00 MR JAM Musika zentroa. BANDAK/COMBOAK
BARRE KONPAINIA. Juan Palomo ya está aquí (sketch komikoak)
Egaña kalea
12:30 GRANUJAS A TODO RITMO banda
18:30 BILBAOMUSIKAKO TALDEAK
20:00 MARMARA Marching Band
