- Udalak, BilbaoEszenaren – Baliabide Eszenikoen Zentroaren bidez, euskal artista eta konpainientzako proposamenak aurkezteko epea zabaldu du apirilaren 4ra arte.
- BilbaoEszenak sei arte-proiektu aukeratuko ditu gehienez, proposamen eszenikoak sortu, ikertu eta zabaltzeko.
- Bi laguntza-mota egongo dira: hasierako fasean dauden proiektuetarako 2.000 euroko laguntzak eta garatzeko fasean dauden proiektuetarako 4.000 euroko laguntzak.
- “Artistak Egoitzan” Bilboko Udalaren programa bat da, hirian arte eszenikoen arloan ikerketa eta berrikuntza sustatzeko.
(Bilbon, 2022ko otsailaren 24an).- Bilboko Udalak, Bilboko Udalaren esku dagoen Baliabide Eszenikoen Zentroaren bidez, “Artistak Egoitzan” programaren XIV. edizioan deialdi berri bat jarri du abian. Edizio honetan parte hartu nahi duten euskal konpainiek eta artistek apirilaren 4ra arte dute zabalik proposamenak aurkezteko epea.
BilbaoEszenak sei arte-proiektu aukeratuko ditu gehienez, proposamen eszenikoak sortu, ikertu eta zabaltzeko. Deialdi hau Euskadiko artista eta konpainientzat bakarrik da (Iparralde eta Hegoalde), eta bi laguntza mota bereizten ditu: batetik, hasierako fasean dauden 2.000 euroko proiektuetarako, eta, bestetik, garatzeko fasean dauden 4.000 euroko proiektuetarako.
Aurkeztu eta hautatutako proiektu artistikoaren arabera, gehienez ere 25 eguneko iraupena izango duten egoitzak hiriko eremu eszenikoetan garatuko dira, ahal bada uztailean, abuztuan, irailean eta urrian.
Gainera, hautatutako pertsona edo konpainiek beren sormen-prozesuak aurkezteko aukera izango dute publiko orokorraren edo sektoreko profesionalen aurrean, bai Bilbao Antzerki Dantza (BAD) Jaialdiaren hurrengo edizioaren esparruan, bai Bilboko Udaleko Kultura eta Gobernantza Sailaren beste programa batzuen barruan.
- Parte hartu nahi duten pertsona edo konpainia guztiek BAD jaialdiaren web orrian aurkituko duten formularioa bete behar dute eta proiektuaren dossierra erantsi, pdf formatuan.
ARTISTAK EGOITZAN
“Artistak Egoitzan” programaren helburu nagusia laguntza ematea da, baliabideak eskainiz (ekonomikoak, teknikoak, prestakuntzakoak eta akonpainamendukoak, etab.), eremu eszenikoetan sormen- edo ikerketa-prozesu bat garatu nahi duten banakako arte-erakunde edo artista guztiei, bereziki eszena berriekin lotura handiena dutenei, interes espezifikoa eta jakintza-alor anitzekoa dutenei, ardatz nagusitzat antzerkia eta/edo dantza izanik, betiko diziplinekin lotutako proiektuak baztertu gabe, hala nola kaleko antzerkia edo zirkoa.
Programa honen bidez, Bilboko Udalak sorkuntza artistikoa sustatzeko ekimenak erraztu eta lagundu nahi ditu, baita eremu eszenikoa bektore nagusi duten ikerketa- eta garapen-prozesuak bultzatu ere, batez ere dramaturgia berriekin zerikusia dutenak. Halaber, hirugarren helburu bat jarri beharko litzateke, talentu sortzailea aurkitu eta hari eusteko, eta, hartara, ekoizpen-garapenerako prozesurako sarbidea errazteko.
AURREKO DEIALDIAK
2020an, 35 proiektu aurkeztu ziren deialdi honetara, horietatik 10 euskaraz, honako diziplina hauen barruan: dantza garaikidea, performancea, ikus-entzunezkoa, dramaturgia berriak eta diziplina anitzeko lanak. Bekadun proiektu guztiak emakume artistenak izan ziren: Oihana Vesga, dantza garaikideko “Leiho zikin, zeru urdin” piezarekin; Benetan Be, zuzeneko musika duen “Porno vs. Afrodita” antzerki-lanarekin; eta Fábrica de Brujas, lau emakume artistaren “Igogailua-El Ascensor” ekoizpen kolektiboarekin.
Iazko deialdian ere emakumezkoak izan ziren proposamen bekadunak: Itziar Manero, “Memoria” pieza eszenikoarekin; Estudio Gheada, “El mejor de los mundos” proposamen eszeniko teknologikoarekin; eta Maria de Andrés, “Rosas to dance” dantza garaikideko ikerketa-proiektuarekin. 2021ean, “Artistak egoitzan” programak 46 proiektu jaso zituen, horietatik 12 euskaraz eta proposamen elebidun asko.
SARE SOZIALAK:
ï BILBAO UDALA: YOUTUBE | FACEBOOK | TWITTER | INSTAGRAM
