- María Dueñasekin Radio Euskadiko Idoia Jauregi kazetaria izango da lagun.
- Hitzordua 19:00etan hasiko da, Bidebarrietako liburutegiko areto nagusian.
- Sarrera librea izango da leku guztiak bete arte, baina ezinbestekoa da doako gonbidapenetako bat eskuratzea. Streaming bidez ere jarraitu ahal izango da, kulturguneatb.eus webgunearen bidez
(Bilbon, 2021eko maiatzaren 27an).- Bilboko Udaleko Bidebarrieta Kulturguneak Hiriko Liburu Azokarekin bat egiten du. Azoka ekainaren 3tik 11ra ospatuko da eta Bidebarrieta Kulturgunea izango da bere egoitza nagusietako bat.
Hurrengo egunetan hainbat libururen aurkezpenak egingo dira, eta lehena asteartean izango da, ekainak 1, 19:00etan, Maria Dueñasen nobela berriarekin, “Sira”. Egun horretan bertan jasoko du Zilarrezko Luma saria.
“Sira” Dueñasen nobela berria da, “El tiempo entre costuras” liburuaren ondoren. Bigarren Gerra Handia amaitu da, eta munduak berreraikitze bihurri bati ekin dio. Britainiar Zerbitzu Sekretuen laguntzaile gisa dituen eginkizunak amaituta, Sirak lasaitasun-gosez ekin dio etorkizunari. Ez du lortuko, ordea. Patuak zorigaiztoko zoritxar bat izango du, eta, ondorioz, bere burua berrasmatu beharko du, bere bizitzaren agintea bakarrik hartu eta etorkizuna bideratzeko atzaparrarekin borrokatu. Garai bat markatuko duten gertaera historikoen artean, Jerusalem, Londres, Madril eta Tanger-en barrena ibiliko da. Horietan, urradurak eta berrelkartzeak, zeregin arriskutsuak eta amatasunaren esperientzia izango ditu. Sira Bonnard —lehen Arish Agoriuq, lehen Sira Quiroga— ez da patroien eta ezkutuko mezuen artean liluratu gintuen jostun xalaria, baina bere xarmak bere horretan dirau.
María Dueñas (Puertollano, Ciudad Real, 1964) Ingeles Filologian doktorea da. Bizitza akademikoan bi hamarkada eman ondoren, 2009an literaturaren munduan sartu zen “El tiempo entre costuras” eleberriarekin. Eleberri hori argitalpen-fenomeno bihurtu zen, eta Antena 3en eskutik telebistarako egokitzapenak sari ugari eta ikusle-kopuru ikusgarria lortu zituen. Ondorengo obrek, “Misión Olvido” (2012), “La Templanza” (2015) eta “Las hijas del Capitán” (2018), irakurleak eta kritika erakartzen jarraitu zuten. Hogeita hamabost hizkuntza baino gehiagotara itzulia eta milioika ale mundu osoan salduak, María Dueñas estimatuenetako bat bihurtu da, bai gure herrialdean bai Latinoamerikan. Sira bere bosgarren eleberria da.
Hitzordu honetan, Idoia Jauregi izango da autorearekin, kulturan espezializatutako kazetaria eta Radio Euskadiko “Kultura”-ren aurkezlea.
BIDEBARRIETA KULTURGUNEA kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
SEGURTASUN NEURRIAK
Aurkezpen honetara joateko ezinbestekoa da www.bilbaokultura.eus/bidebarrietakulturgunea webgunean eskuragarri dauden doako gonbidapenetako bat erreserbatzea.
Egungo egoeraren ondoriozko segurtasun neurriak direla eta, aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, hitzordua streaming bidez jarraitu ahal izango da www.kulturguneatb.eus webgunean.
Une bakoitzean indarra duten babes eta higiene neurriak zorrotz beteko dira. Era berean, ekitaldia egiten den bitartean maskara erabili beharko da.
Udaberrian hiria aisialdi- eta kultura-planez betetzen duen #BILBAOUDABERRIA2021 udal-ekimenaren programazioaren parte da hitzordu hau.
SARE SOZIALAK:
- Bilbao Udala: FACEBOOK | TWITTER | INSTAGRAM
- Bilbao Kultura: YOUTUBE | FACEBOOK | TWITTER | INSTAGRAM
#BILBAOUDABERRIA2021
