- Hitzordua, “Conversaciones con María Zambrano” izenekoa, Bidebarrietako Liburutegiko Areto Nagusian izango da, 19: 00etan.
- Filosofoaren irudian adituak diren bi emakume izango dira gonbidatu saio berri honetan: Olga Amarís Duarte, Hannah Arendt eta Maria Zambranoren erbesteari buruzko doktore-tesiaren egilea; eta Marifé Santiago Bolaños, María Zambrano Fundazioko Patroia.
(Bilbon, 2021eko irailaren 9an).- Bilboko Udalaren Bidebarrieta Kulturguneak “Eztabaidak Literaturarekin” zikloari ekingo dio asteartean, 19:00etan hasiko den hitzorduan. Oraingoan, “Conversaciones con María Zambrano” izenburupean, Olga Amarís Duarte eta Marifé Santiago Bolaños egileek filosofoa gogoratuko dute, joan den mendeko pentsamendu espainiarraren figura nagusietako bat, berritzailea, ikerketa filosofiko orotan poetikoaren beharra defendatzean.
Zambrano “Las sinsombrero” izeneko taldearen parte da; izen horretan, gizonezko kideek isilarazi zituzten 27ko belaunaldiko emakumeak biltzen dira. Asteartean, hilak 14, Bidebarrieta Kulturgunean, Hannah Arendt eta Marina Tsvietáieva idazleekin izandako harremanaz ere arituko da.
Egileek, Iñaki Esteban moderatzaile lanak egingo dituen filosofo eta kazetariarekin batera, ezinbesteko figura horiei, haien lanari eta erbesteko bizitzari buruz hitz egingo dute, batez ere hogeita hamarreko hamarkadaren amaieratik berrogeiko hamarkadaren hasierara bitartean.
Olga Amarís Duarte filosofian doktorea da, itzultzailea eta ikerketa akademikoko hainbat artikuluren egilea. Madrilgo Complutense Unibertsitatean eta Municheko Ludwig Maximilian Unibertsitatean ikasi zuen. Hannah Arendt eta Maria Zambranoren erbesteari buruzko doktore-tesia argitaratu ondoren, emakumeen lana aztertzen jarraitu zuen, ikuspegi konparatibo batetik, hitzaldi, mahai-inguru eta argitalpenen bidez.
Marifé Santiago Bolaños Filosofian doktorea da Madrilgo Complutense Unibertsitatean, Juan Carlos Erregea Unibertsitateko (Madril) Estetika eta Arteen Teoriaren irakasle titularra, eta filosofiaren eta arte-sorkuntzaren arteko elkarrizketaren inguruan ikertzen du, arreta berezia eskainiz ekialdeko pentsamenduak Europako antzerki garaikidean duen eraginaren azterketari. María Zambrano Fundazioko Patroia da, eta San Quirceko Historia eta Artearen Akademiako urgazlea eta “Clásicas y modernas” Kulturan Berdintasunerako Elkartearen lehendakariordea.
BIDEBARRIETA KULTURGUNEA kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
SEGURTASUN NEURRIAK
Hitzordu honetara joateko ezinbestekoa da www.bilbaokultura.eus/bidebarrietakulturgunea webgunean eskuragarri dauden doako gonbidapenetako bat erreserbatzea.
Egungo egoeraren ondoriozko segurtasun neurriak direla eta, aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, hitzordua streaming bidez jarraitu ahal izango da www.kulturguneatb.eus webgunean. Une bakoitzean indarra duten babes eta higiene neurriak zorrotz beteko dira. Era berean, ekitaldia egiten den bitartean maskara erabili beharko da.
SARE SOZIALAK:
- Bilbao Udala: FACEBOOK | TWITTER | INSTAGRAM
- Bilbao Kultura: YOUTUBE | FACEBOOK | TWITTER | INSTAGRAM
