-
Egilearekin batera Josu Eguren kultura-kritikaria izango da 19:00etan Liburutegiko Areto Nagusian hasiko den hitzorduan.
(Bilbon, 2021eko urriaren 5ean).- Bilboko Udaleko Bidebarrieta Kulturguneak Belén Gopeguiren “Existiríamos el mar” eleberriaren aurkezpena hartuko du bihar, asteazkena, hilak 6. Hitzordua 19:00etan hasiko da Bidebarrietako Liburutegiko Aretoa Nagusian, eta Josu Eguren kultura-kritikaria bertan izango da.
“Existiríamos el mar” eleberriak energia berria dakar, eta hauskortasuna eta indarra, zaila eta posiblea, hasiera berriak eta iraunkortasun- eta leialtasun-forma desberdinak elkartzen diren bideetara eramaten du.
Madrilgo Martín Vargas kaleko 26. atarian, Lenak, Hugok, Ramirok, Cameliak eta Jarak partekatzen duten pisua etxebitzitza bihurtzea lortu dute. Berrogei urterekin, elkarrekin bizi dira, beharra dutelako eta elkarbizitza eta harreman pertsonalak ulertzeko moduaren parte direlako. Baina Jararen egoera eta izaera aldakorra da: aspaldi langabezian dago eta beti airean dago bere bizitza.
Belen Gopeguik eleberri ausart eta hunkigarria idatzi du. Istorio arrunten artean, biziena ez da beti ilunena, baizik eta, batzuetan, errespetua, barreak, hitzaldia, zoriona, elkarri laguntzea edo amorru partekatua.
Belén Gopegui (Madril, 1963) eleberrigilea eta gidoilaria da, eta haur eta gazteentzako zenbait titulu ditu literatura-lanen artean. 1993an argitaratu zuen lehen eleberria Anagrama argitaletxearekin, “La escala de los mapas”. Gero, honako hauek etorri ziren, besteak beste: “Tocarnos la cara” (1995), “La conquista del aire” (1998), “Lo real” (2001), “El lado frío de la almohada” (2004), “El padre de Blancanieves” (2007) eta “Deseo de ser punk” (2009). 2017an, “Quédate esta día y esta noche conmigo” (2017) eta “La escala de los mapas. Rompiendo algo” liburuaren XXV. urteurrenaren oroitzapenezko edizioa argitaratu zituen bere artikulu eta saiakuntzen aukeraketa bat biltzen duena.
Berarekin Josu Eguren izango da, El Correo eta Vocento taldeko eskualde-buruetako zinema-kritikaria. Irratsaio askotan kolaboratzen du, ia beti zinemaz ari dela.
BIDEBARRIETA KULTURGUNEA kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
SEGURTASUN NEURRIAK
Hitzordu honetara joateko ezinbestekoa da www.bilbaokultura.eus/bidebarrietakulturgunea webgunean eskuragarri dauden doako gonbidapenetako bat erreserbatzea.
Egungo egoeraren ondoriozko segurtasun neurriak direla eta, aretoko ateak 18:15ean irekiko dira, bertaratutakoak beren aulkietan egokitzeko. Ezin bada parte hartu, hitzordua streaming bidez jarraitu ahal izango da www.kulturguneatb.eus webgunean. Une bakoitzean indarra duten babes eta higiene neurriak zorrotz beteko dira.
Era berean, ekitaldia egiten den bitartean maskara erabili beharko da.
SARE SOZIALAK:
Bilbao Udala: FACEBOOK | TWITTER | INSTAGRAM
Bilbao Kultura: YOUTUBE | FACEBOOK | TWITTER | INSTAGRAM
#BILBAOUDAZKENA2021
