- BAD Jaialdia Metrokoadroka Sormen Laborategiaren “Zeozertan Dabil baina ez dakit zertan” ikuskizunaren aurrestrenaldiarekin hasiko da gaur.
- Gainera, asteburu honetan estreinatuko ditu honako ikuskizun hauek: erabateko estrenaldiak- “La fragilidad de mi pene”, Mollisena; eta “Platea”, Tripak kolektiborena; Estatuan estreinaldiak- “LP Long play”, Olga_Cirqanalogiquerena; eta Sleepwalk Collective & Christopher Brett Baileyren Euskadiko estreinaldia, “Psychodrama”.
- Astelehenetik aurrera honako saio hauetaz gozatu ahal izango da: erabateko estrenaldiak Denis Martínezen “365” ikuskizuna; Vulnera Compañíaren “Lo que no se ve”, eta Itziar Maneroren “Memoria”; Sandra Gómezen “Bailar al sonido” ikuskizunaren estrenalida Euskadi; eta Utopisistas konpainiaren “I’ll be back” ikuskizunaren estrenaldia Estatuan.
- BADen programazio osorako sarrerak jaialdiaren webgunean eros daitezke.
(Bilbon, 2022ko urriaren 13an).- BAD – Bilboko Antzerki eta Dantza Garaikidearen Jaialdia, Bilboko Udalak antolatuta, gaur emango dio hasiera bere XXIV. edizioari, datorren igandera arte (hilak 23) luzatuko dena.
Jaialdia, urtez urte agenda kulturalean ezarri beharreko datetako bat, estreinaldiz betetako programazioarekin dator. Horrela, datozen egunetan BADen proposamenak hartzen dituzten guneetara hurbilduko dena saio hauetaz gozatu ahal izango du:
- Osteguna, urriak 13
AURREESTRENALDIA
- “Zeozertan dabil baina ez dakit zertan” (Euskadi), Metrokoadroka Sormen Laborategia. 19:00etan. La Fundición.
Proposamen horrek jendea etxe batean -edozein etxean-, egongela batean -edozein aretotan- kokatzen du, eta bertan hiru lagunek galdetzen diote beren buruari: “Familia bat al gara?”. Obra hastean, publikoak ez du argi izango hiru presentzia horien arteko harremana, baina pixkanaka, bere ekintzen bidez, bere barre lataratuen azpian zer ezkutatzen den argituko da. Hori oinarri hartuta, galdera, kontraesan eta umore-une ugarik ustekabeko bidaia eszeniko bat osatzen dute.
- Ostirala, urriak 14
ERABATEKO ESTRENALDIA
- “La fragilidad de mi pene”, Mollis (Euskadi). 21:00etan, La Fundición.
Antzerki fisikoko–dantza–zirko pieza hau protagonistaren haserrearen esploraziotik sortzen da, eta bere haserrearen tristuratik haratago zer dagoen galdetzen dio bere buruari. Atic H. Deba artistaren lan honek Artistak Egoitzan -Bilbaoeszena 2022 beka jaso du.
ESTRENALDIA ESTATUAN
- “LP Long play”, Olga_Cirqanalogique (Frantzia – Uruguay). 19:00etan. Harrobia.
“Long Play” gaur egungo zirkuko eta musikako ikuskizun bat da, ikusizko eta soinuzko azpimundu bat, non gure nortasunak dantzatzen dituzten, diskurtso politikoen, freak show-en, migrazio-bulegoen eta koadro errenazentisten artean giza hauskortasunaren arrakala bat irekiz. Proiektu hau Travesia-Pirineos de Circo mugaz gaindiko lankidetza-proiektuaren onuradun izan da. Bilboko Udala da proiektu horren bazkide.
- Larunbata, urriak 15
ERABATEKO ESTRENALDIA
- “Platea”, Tripak kolektiboa (Euskadi). 19:00etan. Harrobia.
Teatro-performance proposamena. Itsasertzean, mareen mugimenduak azalpenik edo amarratzerik aurkitu gabe eman eta hartzeko bizitzaren propietatea nabarmentzen du. Iritsi eta joaten diren pertsonek, noraezean eta konortea galduta, bizitza bat eta heriotza bat izan zuten lehenago. Orain, paduran, mahai sendo baten aurrean, zeremonia-maistrak berehalako oturuntzara gonbidatzen ditu, nahiz eta haien gorputzak eta borondateak oraindik kulunkatzen diren.
ESTRENALDIA EUSKADIN
- “Psychodrama”, Sleepwalk Collective & Christopher Brett (Euskadi – Erresuma Batua). 21:00etan. La Fundición.
“Psychodrama” Christopher Brett Bailey idazle, interprete eta musikari kanadarrak eta Sleepwalk Collective eszena-konpainia esperimentalak sortu eta interpretatutako lehen pieza kolaboratiboa da. Pop exorzismo kultural moduko bat da, marrazki bizidunen basakeriari eta kontakizunen ahalmen korrosiboari buruzko ikuskizun itsaskor eta iheskorra.
Astelehenetik aurrera, estreinaldi hauek ere nabarmentzen dira:
- Astelehena, urriak 17
ERABATEKO ESTRENALDIA
- “365”, Denis Martínez (Euskadi). 19:00etan. Cúpula Aretoan. Campos Antzokian.
Dantza-ikuskizun honetan, Denis Martinezek haurtzaroko urtaroek fisikoki eta mentalki nola eragin ziezaioketen irudikatzen du. Hainbat urtez Bilbon bizi ondoren, urtaro-aldaketek eta argiaren kalitateak eragiten dituzten aldaketa emozional asko jasan ahal izan dituela kontatzen du artistak, Euskadin bere lehen urtean izan zituen emozioak eraikiz. Lanak Artistak Egoitzan-Bilbaoeszena 2022 beka jaso du.
- Asteartea, urriak 18
ERABATEKO ESTRENALDIA
- “Lo que no se ve”, Vulnera Compañía (Euskadi). 19:00etan. Harrobia.
Indibidualismo espazialak gorputzak nola merkaturatzen, begien bistan, erabiltzen eta zanpatzen dituen erakusten duen antzerki-pieza da, eta galdera hau planteatzen du: zeren alde ari gara erabiltzen forma artistikoa? Eszenabide 2021 saritutako proiektua 2021.
- Asteazkena, urriak 19
ERABATEKO ESTRENALDIA
- “Memoria”, de Itziar Manero (Euskadi). 19:00etan. Harrobia.
“Memoria” oroimenari eta haren galerari buruzko antzezlana da. Amona baten oroitzapenak erregistratzeko saiakera, eta bere buruari galderak egiteko, elkar ezagutzeko, zaintzeko eta agur esateko saiakera, amonaren oroitzapenak desagertu baino lehen. Artistak Egoitzan 2021ek lagundutako proiektua, BilbaoEszenaren bidez Udalak bultzatutako eta 2021eko Harrobiako Transiciones 2021 hautaturiko bekak, gorabidean dauden artistei eta/edo taldeei laguntzeko prozesuetarako laguntzak.
- Osteguna, urriak 20
ESTRENALDIA ESTATUAN
- I’ll be back”, Utopisistas (Suitza-Suedia -Italia-Euskadi). 19:00etan. Harrobia.
“I’ll be back” dantza-ikuskizun bat da, non lau dantzariek beren burua mugitzen eta hitz egiten duten, izaki anizkun batean, gorputz kolektibo batekin eta kontzientzia partekatu batekin.
ESTRENALDIA EUSKADIN
- “Bailar al sonido”, Sandra Gómez (Valentzia). 21:00etan. Cúpula Aretoan Campos Antzokian.
“Bailar al sonido” soinua energia-iturritzat hartzen duen dantza- eta soinu-proposamen bat da, eta haren hedapenak energia aldatzea dakar berekin, gorputza aldatu eta haren egoera eta lekua aldatu ahal izateko. Pieza hiru ariketetatik abiatuta eraikitzen da. Ariketa horietan soinuaren bidez soinuen aldaketa esperimentatu nahi da erresonantzia-joko batean.
SARRERAK
BADen programazio osorako sarrerak jaialdiaren webgunean eros daitezke.
Prentsarako eskuragarri dauden Zinemaldiko material guztiak esteka honetan kontsulta daitezke.
SARE SOZIALAK:
- BILBAO UDALA: YOUTUBE| FACEBOOK | TWITTER | INSTAGRAM
- BILBAO KULTURA: YOUTUBE | FACEBOOK | TWITTER | INSTAGRAM
- BAD: FACEBOOK
badbilbao.eus
#BAD2022
