Bilbao Izan markaren atzean biltzen dira Bilboko Udaleko Kultura Sailak uriaren funtsa zabaltzeko bultzatzen dituen programa guztiak: Historia, ondarea, pertsona garrantzitsuek utzitako aztarna, hirigintza, auzoen historiak, kaleen eta bazter bitxienak,…Bilbao Izan batez ere bertako herritarrentzat da, baina bisitarientzat edo gure uriaren berri zehatzagoa eduki nahi duten pertsona guztientzat ere zabalik dago.

Bilbao Izan programaren helburuak hauexek dira:

Bilbotarrek uriarekin duten identifikazioa indartzea.
Belaunaldi berriei Bilboren berezko nortasuna transmititzea.
Auzoetako historia eta idiosinkrasia ezagutzera ematea.
Gure ondarearen baliabideetara hurbiltzeko modu erraz eta erosoa eskaintzea.
Bilbo kultur hiri modura sendotzea.
Kontua uriaren ondarea modu moderno, zabal eta anitzean ezagutzera ematea da. Bilbo ez dugu isolaturik ikusten, inguratzen gaituen errealitate soziokulturalari loturik baizik. Eta hori guztia egiteko hauek erabiltzea: hitzaldiak, bisita gidatuak, erakusketak, ikuskizunak, web-orria eta argitalpenak; hots, gure ondarea agerian uzten laguntzen digun guztiak du bere lekua programa horretan.

Web Orria Ikusi

TXIO TA TXIO bideoak | 3. EDIZIOA 2020

Txio ta Txio bideoen beste edizio bat jarriko da martxan. Hirugarren ediziora iristen den ekimen honen bidez, berriro zabalduko dira Bilboko hainbat auzorekin lotutako bitxikeriak, pertsonaia garrantzitsuak eta pasadizoak protagonista dituzten 90 segundoko bideoak. Proposamen hau Bilboko Udalaren Bilbao Izan ondarea eta historia zabaltzeko udal programaren barruan dago.

Txio Ta Txioren bideoak, Bilbao Izan-en Facebook-en eta Bilbao Kultura-ren Instagram-en aurkitu ahal izango dira, baita Bilboko Udalaren sare sozialen profiletan ere. Handik, gure hiriaren historiaren zati txiki eta bitxi horiek ezagutzera eman nahi dituzten guztiek beren profiletan partekatu ahal izango dituzte, hiriko auzoen historia eta idiosinkrasia berreginez.

Publikazioak astean bitan egingo dira, astelehenetan eta ostegunetan, eta euskara eta gaztelania tartekatuko dituzte. Ekaina Arangoitirekin estreinatuko da, eta Deustu eta Erriberari; Ibarrekolandari eta Sarrikori; eta San Inazio eta Elorrietari lagako die lekukoa uztailean, abuztuan eta irailean, hurrenez hurren. Urrian, lehen aipatutako auzo horiei guztiei buruzko bideoak partekatuko dira.

Bilboko Udalak, ondarearen hedapenerako Bilbao Izan programaren bitartez, gure auzoetako historiatik ibilbidea egiteko aukera eskaintzen dizu. Oinez egingo den bisita gidatuaren bitartez, gure iraganaren parte bat, bitxikeriak eta une historiko jakin batzuek Bilboren nondik norakoan izan duten garrantzia ezagutzeko aukera izango duzu.

2020ko hurrengo lau hilabeteetan, auzo hauek ezagutuko ditugu oinezko bisita gidatu hauetan:

  • Uztaila: Deustu.
  • Abuztua: Arangoiti.
  • Iraila: Ibarrekolanda – Sarriko.
  • Urria: San Inazio.

 

Osasun alerta dagoenez, eta parte-hartzaileen osasuna eta ongizatea zaintzeko, bisita gidatuetan beharrezkoa izango da maskara erabiltzea. Era berean, talde bakoitzeko pertsona kopurua erdira murriztuko dugu (Ezagutu oinez-en gehienez 15 pertsona egongo dira talde bakoitzean eta Ezagutu familian, berriz, gehienez 12 pertsona izango dira talde bakoitzean), ekintza behar bezala egingo dela bermatzeko eta bertaratutakoen artean behar den distantzia fisikoa egon dadin.

Bisita gidatu hauek osasun egoerak horretarako aukera ematen badu egingo dira.

EZAGUTU DEUSTU OINEZ – UZTAILA

Txakolina eta baratzeko produktu ugari —­bertako tomate ospetsuak, besteak beste­— lantzen ziren ibar emankor batean dago Deustuko Elizatea zena. Jendea bizi zen bertan Bilboko Hiria sortu aurretik. Bertako biztanleak nekazaritzan eta abeltzaintzan eta itsasadarraren ertzeko portu-jardueretan aritzen ziren. Deustuko Elizatea Bilbori lotuta hazi zen beraz, sarritan hiribilduaren aurrean bere independentziari eusteko borrokatu zen arren. Kontrastez betetako lekua zen; Jovellanosek “herrialde sorgindu” gisa deskribatzen zuen XVIII. mendean, eta gaur egun hiriko auzorik famatuenetako bat da.

Bertako kale jendetsuetatik ibiltzeak auzoaren historiara hurbiltzeko aukera emango digu, Goierriko landa inguruko bizitzari eta Bekoerriko ontzigintzari, bertan XIX. mendean jauregiak eraiki zituzten familia aberatsei, eta bere izena daraman Unibertsitateari buruz gehiago jakiteko. Gainera, zubi ospetsuak auzoa Chicagorekin lotzen duen moduari, santu baten aztarnei, padurei eta “txinboei”, pilotalekuari eta auzoa berregituratu zuen ubideari buruz egingo dugu berba.

Deustuko liburuxka deskargatu.
Informazio-orria.
Conoce Deusto caminando

Ordutegia:

  • Asteartetik ostiralera: 11:00 eta 18:30.
  • Larunbatetan: 10:30 eta 12:30.

Euskaraz: Ostegun arratsaldeetan bisitak euskaraz izango dira norbanakoentzat. Taldeen kasuan, euskarazko bisiten eguna eta ordua taldearekin berarekin adostuko dira, eskariaren arabera.

Zelan heldu:

  • Metroz: Deustu.
  • Bilbobusez: 01, 10, 11, 13, 18, 71, A7.
  • Tranbiaz: Abandoibarra.

Bisitaren iraupena: Ordu eta erdi.
Topalekua: Deustuko zubia 13.
Informazioa eta erreserbak: ekainaren 22tik aurrera (astelehenetik igandera 8:00etatik 20:00etara). 944 010 010.

Izena eman arren azkenean ezin baduzu etorri, mesedez jakinarazi iezaguzu gutxienez 24 ordu lehenago.

EZAGUTU DEUSTU FAMILIAN - UZTAILA

4 urtetik gorako umeak dituzten familientzat

Deskubritu familian egiteko ibilbide hauek. Bidezidorretatik joanda eta jolasen eta ipuinen bidez, Deustuko auzoa ezagutuko dugu. Auzoaren jatorria eta bilakaera ikasiko ditugu, bertako kale, plaza, txoko eta eraikin zaharretatik ibiliz…betiere jakinguraren eta sormenaren betaurrekoetatik begiratuta.

Esploraziorako kit batekin eta zentzumen guztiak erne ditugula, Deustu hobeto ezagutuko dugu, ikuspegi berrietatik. Esperientzia honen ondoren, kaleko esploratzaile izango gara, arreta eta kontu handiagoz behatzen eta entzuten ikasi dugulako.

Deustuko liburuxka deskargatu.
CONOCE DEUSTO EN FAMILIA - JULIO

Egunak: uztailaren 13an eta 14an, astelehena eta asteartea.

Ordutegia: 17:30etan.

Hizkuntzak: euskaraz eta gaztelaniaz.

Nola iritsi:

  • Metro: Deustu
  • Bilbobus: 01, 10, 11, 13, 18, 71, A7

Bisitaren iraupena: ordubete eta erdi.

Elkargunea: Lehendakari Aguirre etorbidea 33.

Informazioa eta erreserbak: ekainaren 22tik aurrera (astelehenetik igandera, 8:00etatik 20:00etara) 944 010 010

Euria izanez gero, bisitaren ibilbidea zertxobait aldatuko da.

Egitaraua deskargatuMaterialak bidaltzea

OROITZAPENEN GAIKAKO BILKETA

XX. mendean bizi izan garenok lekuko izan gara, eraldaketa handien, denboraren joanaren eta denboraren joanak dakarrenaren lekuko. Eta, dudarik gabe, badauzkagu etxean argazkiak, diapositibak, bideoak, filmak eta abar, ez oso aspaldiko lekuak, oroitzapenak eta bizipenak erakusten dituztenak. Material hori guztia, zeina batzuetan garrantzirik gabekotzat daukagun, pilatu egiten zaigu gure etxeetako leku ahaztuetan, eta, batzuetan, zaborretarako hautagai sendoa ere izaten da. Oroitzapen horiek galtzea izango litzateke garai bateko historia garrantzitsuak agertzen dituzten dokumentuak galtzea.

Horregatik, bada, proiektu berri honek abian jartzen du Udalaren Bilbao Izan udal programa: dokumentu horiek eta biltzen dituzten historiak formatu digitalera aldatu nahi ditu, haien bizitza luzatu, eta garai berrietarako birziklatu. Ideia horretatik sortu zen Argazkineta, auzoan ibiliko den furgoneta bat, kasu honetan Zorrotzan zehar, oroitzapenak hautatzen eta biltzen. Bildutako material guztia kopiatu eta formatu digitalera eramango dugu. Biltzearen kontzeptua garrantzitsua da: argazkiak, diapositibak, prentsako ebakinak, bideoak, filmak….bilatzen ditugu, auzoaz mintzatzen den guztia, garai batez mintzatzen zaiguna eta auzoak epe jakin batean izan duen historia elkarrekin eraikitzen lagun dezakeena.

 

BILDU BEHARREKO MATERIALAREN GAINEKO DATUAK

1.- GARAIA:
XX. mendeari buruzko materiala bilatzen dugu, 2000. urtean baino lehenagokoa.

2.- LEKUA:
Materialak Zorrotzako auzoari buruzkoa izan behar du.

3.- ZER MATERIAL BILDU NAHI DUGU?

  • Zuri-beltzezko edo kolorezko argazkiak, paperean edo digitalizatuak.
  • Diapositibak eta negatiboak.
  • Bideoak edo filmak, edozein formatutakoak (super 8, VHS, BETA…).
  • Beste material batzuk: planoak, zirriborroak, egunkarietako ebakinak, aldizkarietako ebakinak, bandoak, aktak, kartelak, eskuorriak, eranskailuak…

4. NOIZ EGINGO DEN BILKETA:
Urriaren 10etik 24ra.

5.- NON EGONGO DEN KOKATUTA ARGAZKINETA:
Zorrotzako gune hurbil eta ezagunetan, hurrengo egun, ordutegi eta lekuetan (igandeetan izan ezik):

  • Urriaren 10etik 17ra: goizez, 11:00 – 14:00, Osasun-Etxearen ondoan eta arrastiz, 17:00 – 21:00, Azoka parkean.
  • Urriaren 18tik 24ra: goizez 11:00 – 14:00, Fray Juan kalea, 9. zenbakian eta arrastiz, 17:00 – 21:00, Kiroldegia eta Auzoetxearen aurrean.

Bestalde, 15 egun hauetan, kale ezberdinetatik ibiliko da, auzoko txoko ugarietara hurbil dadin.

6.- ON-LINE BILTZEA:
Materiala ekarri nahi baina auzoraino etorri ezin direnek aukeran izango dute udal webgunean www.bilbaokultura.eus/bilbaoizan atala, on-line bidali ahal izateko material dagoeneko digitalizatua; urriaren 10etik urriaren 31ra arte izango dute horretarako epea.

LEKUKOTZAK GRABATZEA

Era berean, auzoaren historiari buruzko bizipenak edo oroitzapenak ahoz kontatu nahi dituztenek, aukera izango dute Zorrotzako Udaltegian (Clara Campoamor kalea, 1), azaroaren 7an, 8an eta 9an, ordutegi hauetan: ostegunean, 11:00etatik 21:00etara, eta ostiralean, 13:00etatik 21:00etara; larunbatean; 9:00etatik 14:00etara.

NON IKUSI AHALKO DEN ETA GORDEKO DEN BILDUTAKO MATERIALA

  • Argazkinetan bertan.
  • www.bilbaokultura.eus/bilbaoizan web-orrian eta Udalaren sare sozialetan (Facebook, Instagram, Youtube, Twitter,…).
  • Zorrotzako auzoan bertan, abenduan, egingo den aurkezpen batean.
  • Bilboko Udalaren artxibategietan.

ARGAZKINETA

ZORROTZA

“Argazkineta show: bilketa ostean, kontaketa / Tras recolectar, es hora de contar”

Ikuskizun dibertigarria eta entretenigarria izango da, jendearen parte hartzearekin. Zorrotzako bizilagunek helarazi dizkiguten argazkiak, oroitzapenak eta bizipenak proiektatuko dira. Irudiak eta pertsonak izango dira, beraz, hitzordu honetako protagonistak.

Data: Abenduak 17
Ordua: 19:30
Lekua: Nuestra Señora de la Milagrosa Eliza (Fray Juan, 31 – Zorrotza)
Hizkuntzak: Euskara – castellano
Doakoa aretoa bete arte

+Info: www.bilbaokultura.eus / Facebook: Bilbao Izan / Youtube, Twitter e Instagram: Bilbao Kultura