bilbao_izan_banner

Bilbao Izan markaren atzean biltzen dira Bilboko Udaleko Kultura Sailak uriaren funtsa zabaltzeko bultzatzen dituen programa guztiak: Historia, ondarea, pertsona garrantzitsuek utzitako aztarna, hirigintza, auzoen historiak, kaleen eta bazter bitxienak,…Bilbao Izan batez ere bertako herritarrentzat da, baina bisitarientzat edo gure uriaren berri zehatzagoa eduki nahi duten pertsona guztientzat ere zabalik dago.

Bilbao Izan programaren helburuak hauexek dira:

Bilbotarrek uriarekin duten identifikazioa indartzea.
Belaunaldi berriei Bilboren berezko nortasuna transmititzea.
Auzoetako historia eta idiosinkrasia ezagutzera ematea.
Gure ondarearen baliabideetara hurbiltzeko modu erraz eta erosoa eskaintzea.
Bilbo kultur hiri modura sendotzea.
Kontua uriaren ondarea modu moderno, zabal eta anitzean ezagutzera ematea da. Bilbo ez dugu isolaturik ikusten, inguratzen gaituen errealitate soziokulturalari loturik baizik. Eta hori guztia egiteko hauek erabiltzea: hitzaldiak, bisita gidatuak, erakusketak, ikuskizunak, web-orria eta argitalpenak; hots, gure ondarea agerian uzten laguntzen digun guztiak du bere lekua programa horretan.

Web Orria Ikusi
2
Egitaraua Deskargatu

EZAGUTU MASUSTEGI OINEZ

Doako bisita gidatuak
Maiatzaren 7tik ekainaren 1era

MASUSTEGI

cofMasustegi, Bilboko azken auzoa ezizenez ezagutzen dena, jatorrian baserri gutxi batzuk zituen landa ingurunea zen, Arraiz mendiaren hegaletan. 50eko eta 60ko hamarkadetan Bilbok ezagutu zuen industrializazioaren ondoren, gune hark zuen irudi pintoresko malkartsuaren lekua, ezaugarri berezi bat zuten eraikinek bete zuten: guztiak ere, bertan bizi behar ziren familiek altxatu zituzten. Horrela sortu zen Masustegiko auzo autoeraikia. Izkina bakoitzak, hainbat lekutatik etorri eta euren esfortzuarekin eta aurrera egiteko borondatearekin, hirian leku bat aurkitzea lortu zuten langileen historiak kontatzen dizkigu.

Biztanleen arteko lankidetza, elkartasun eta adore eredu, gaur egun asfaltatuta dauden kaleetatik ibiltzeak auzoak jaso dituen eraldaketak gertutik ezagutzeko aukera emango digu. Borrokez, baina batez ere lorpenez, egingo dugu berba; Arraiz mendiaren tontorretik Masustegi zaintzen duen gotorleku zaharraz; teilatuen eta gaueko lanaren garrantziaz; masustez, astoez eta garbitokiez. Eta bertako biztanleen pertseberantziari eta lanari esker auzo bat eraiki zen moduari buruz egingo dugu berba.

EZAGUTU MASUSTEGI OINEZ

cofBilboko Udalak, ondarearen hedapenerako Bilbao Izan programaren bitartez, gure Hiriko historiatik ibilbidea egiteko aukera eskaintzen dizu. Oinez egingo den bisita gidatuaren bitartez, gure iraganaren parte bat, bitxikeriak eta une historiko jakin batzuek Bilboren nondik norakoan izan duten garrantzia ezagutzeko aukera izango duzu.

 

 

Ordutegia:
Astearte eta asteazkenetan 16:00etan eta 18:00etan.
Ostegun eta ostiraletan 10:00etan eta 17:00etan.
Larunbatetan 10:00etan eta 12:00etan

Euskaraz: Ostiral arratsaldetan bisitak euskaraz izango dira norbanakoentzat. Euskarazko taldeen kasuan, taldearekin berarekin adostuko dira eguna eta ordua, eskariaren arabera

Zelan heldu:
Metroa: San Mamés
Bilbobus: 18, 38, 48, 57, 58, 85, 88

Bisitaren iraupena: Ordu eta erdi

Topalekua: Aita Donostia plaza (Basurtu)

Informazioa eta erreserbak:
Apirilaren 29tik aurrera (astelehenetik igandera 8:00etatik 20:00etara) 944010010/010

Izena eman arren, azkenean ezin baduzu joan, mesedez jakinarazi iezaguzu gutxienez 24 ordu lehenago.

EZAGUTU MASUSTEGI FAMILIAN
4 urtetik gorako umeak dituzten familientzat.

visitas familiasEz galdu familian egiteko ibilbide hauek; bidezidorretatik joanda eta jolasen eta ipuinen bidez, Bilboko auzoak ezagutuko ditugu. Auzoen jatorria eta bilakera ezagutuko ditugu, auzootako kale, plaza, txoko eta eraikin zaharretatik ibiliz…betiere jakinguraren eta sormenaren betaurrekoetatik begiratuta.
Esploraziorako kit batekin eta zentzumen guztiak erne ditugula, Uria hobeto ezagutuko dugu, ikuspegi berrietatik. Esperientzia honen ondoren, esploratzaile izango gara urian, arreta eta kontu handiagoz behatzen eta entzuten ikasi dugulako.

Eguna: Maiatzaren 19an, domeka
Ordutegiak: 10:30etan eta 12:30etan
Hizkuntzak: Euskaraz eta gaztelaniaz
Zelan heldu: Bilbobusean, 58. zenbakian
Bisitaren iraupena: Ordu eta erdi
Topalekua: San Gabriel Arcangel (Masustegi) elizaren kanpoaldea
Informazioa eta erreserbak: Apirilaren 29tik aurrera (astelehenetik igandera 8:00etatik 20:00etara) 944 010 010 / 010

Egitaraua Deskargatu

EZAGUTU OLABEAGA OINEZ

Doako bisita gidatuak
Ekainaren 4tik 29ra

OLABEAGA

IMG_0693RECORTADAOlabeaga, Bilboko “Norvegia” izenez ezagutzen zena, 1890era arte Abandoko elizatea osatzen zuten zortzi auzoetako bat zen. Bere kokalekuak beti baldintzatu duen arren, Itsasadarraren ertzean lurgune estu batean handitzea lortu du, gaur egun bere nortasunaren zeinuetako bat den itsaso, portu eta industria kultura metatuz. Hasiera batean itsasoko trafikora eta itsasontzien eraikuntzara zuzenduta egon bazen ere, XIX. mendearen amaierako industrializazioa bizi ondoren, azken mende aldaketan birmoldaketa prozesua igaro zuen. Kresal zaporea duten bertako kaleetatik ibiltzeak, Itsasadarretik nabigatzen zuten itsasontzi handiak, aspaldiko ontziolak, tailerrak, kargaguneak, sirgerak eta etxebizitza bereziak ekartzen ditu gogora, eraldaketa eta modernizazio handia bizi izan duen arren bere iragana ahazten ez duen auzoan.

EZAGUTU OLABEAGA OINEZ

IMG_0680Bilboko Udalak, ondarearen hedapenerako Bilbao Izan programaren bitartez, gure Hiriko historiatik ibilbidea egiteko aukera eskaintzen dizu. Oinez egingo den bisita gidatuaren bitartez, gure iraganaren parte bat, bitxikeriak eta une historiko jakin batzuek Bilboren nondik norakoan izan duten garrantzia ezagutzeko aukera izango duzu.

 

 

Ordutegia:
Astearte eta asteazkenetan 16:00etan eta 18:00etan.
Ostegun eta ostiraletan 10:00etan eta 17:00etan.
Larunbatetan 10:00etan eta 12:00etan

Euskaraz: Ostiral arratsaldetan bisitak euskaraz izango dira norbanakoentzat. Euskarazko taldeen kasuan, taldearekin berarekin adostuko dira eguna eta ordua, eskariaren arabera

Zelan heldu:
Metroa: San Mamés
Bilbobus: 56, 62, A3

Bisitaren iraupena: Ordu eta erdi

Topalekua: Ramon de la Sota Kaia 1, Itsas Museoaren aurrean

Informazioa eta erreserbak:
Maiatzaren 27tik aurrera (astelehenetik igandera 8:00etatik 20:00etara) 944010010/010

Izena eman arren, azkenean ezin baduzu joan, mesedez jakinarazi iezaguzu gutxienez 24 ordu lehenago.

EZAGUTU OLABEAGA FAMILIAN
4 urtetik gorako umeak dituzten familientzat.

cofEz galdu familian egiteko ibilbide hauek; bidezidorretatik joanda eta jolasen eta ipuinen bidez, Bilboko auzoak ezagutuko ditugu. Auzoen jatorria eta bilakera ezagutuko ditugu, auzootako kale, plaza, txoko eta eraikin zaharretatik ibiliz…betiere jakinguraren eta sormenaren betaurrekoetatik begiratuta.
Esploraziorako kit batekin eta zentzumen guztiak erne ditugula, Uria hobeto ezagutuko dugu, ikuspegi berrietatik. Esperientzia honen ondoren, esploratzaile izango gara urian, arreta eta kontu handiagoz behatzen eta entzuten ikasi dugulako.

Eguna: Ekainaren 16an, igandea
Ordutegiak: 10:30etan eta 12:30etan
Hizkuntzak: Euskaraz eta gaztelaniaz
Zelan heldu: Aldiriko trena: C1, C2. Bilbobus: A3
Bisitaren iraupena: Ordu eta erdi
Topalekua: Santa Ana eta Bariko San Nicolas (Olabeaga) elizaren aurrean dagoen plaza-begiratokia
Informazioa eta erreserbak: Maiatzaren 27tik aurrera (astelehenetik igandera 8:00etatik 20:00etara) 944 010 010 / 010

Egitaraua Deskargatu

EZAGUTU BASURTU OINEZ

Doako bisita gidatuak
Uztailaren 1etik 30era

BASURTU

Foto-CentroMunicipalBasurtu, Hiriko ospitaleari izena ematen dion auzoa, landa gune izan zen XIX. mendeak aurrera egin arte. XX. mendearen hasieran Bilborekin bat egin arte, Abandoko elizate zaharraren barruan zegoen. Bat egite horren bitartez, auzoa zabalgunea handitzeko hiri trazatuaren barruan geratu zen. Ospitalea eraiki zenetik, inguru hori Biboren izenarekin erabat lotuta geratu eta bertako ardatz nagusietakoa bilakatu zen, Bilboko azken garaietako historian ezinbestekoak izan diren kultura, osasun eta gizarte arloko ekipamenduak baitzituen.
Bertako kale jendetsuetatik ibiltzeak auzoaren historiara hurbiltzeko aukera emango digu, Abandoko leinu zaharrena diren Basurtutarrak inguru horretan euren dorre-etxean bizi zirenetik, duela denbora gutxi eraiki den Garellanoko zeru-orratzera. Miserikordiari eta ongintzari, horiek finantzatzeko errifei, ingeniaritzari eta lehoiek gidatzen duten eta astebururo harmailak zuri-gorriz betetzen dituen gure Katedralari buruz egingo dugu berba. Horrela, etengabe berrasmatzen ari den auzo baten iragana eta orainaldia ezagutuko ditugu.

EZAGUTU BASURTU OINEZ

Foto-VistaAereaBilboko Udalak, ondarearen hedapenerako Bilbao Izan programaren bitartez, gure auzoetako historiatik ibilbidea egiteko aukera eskaintzen dizu. Oinez egingo den bisita gidatuaren bitartez, gure iraganaren parte bat, bitxikeriak eta une historiko jakin batzuek Bilboren nondik norakoan izan duten garrantzia ezagutzeko aukera izango duzu.

 

 

Ordutegia:
Astelehenetan: 18:30
Astearteetan: 11:00 eta 18:30
Asteazkenetan: 11:00 eta 18:30
Ostegunetan: 11:00 eta 18:30
Ostiraletan: 11:00
Larunbatetan: 10:30 eta 12:30

Euskaraz: Ostegun arratsaldetan bisitak euskaraz izango dira norbanakoentzat. Euskarazko taldeen kasuan, taldearekin berarekin adostuko dira eguna eta ordua, eskariaren arabera

Zelan heldu:
Metroa: San Mamés
Bilbobus: 28, 56, 62, A3
Tranbia: San Mames

Bisitaren iraupena: Ordu eta erdi

Topalekua: Sabino Arana etorbidea, 4

Informazioa eta erreserbak:
Ekainaren 24tik aurrera (astelehenetik igandera 8:00etatik 20:00etara) 944010010/010

Izena eman arren, azkenean ezin baduzu joan, mesedez jakinarazi iezaguzu gutxienez 24 ordu lehenago.

EZAGUTU BASURTU FAMILIAN
4 urtetik gorako umeak dituzten familientzat.

cofEz galdu familian egiteko ibilbide hauek; bidezidorretatik joanda eta jolasen eta ipuinen bidez, Bilboko auzoak ezagutuko ditugu. Auzoen jatorria eta bilakera ezagutuko ditugu, auzootako kale, plaza, txoko eta eraikin zaharretatik ibiliz…betiere jakinguraren eta sormenaren betaurrekoetatik begiratuta.
Esploraziorako kit batekin eta zentzumen guztiak erne ditugula, Uria hobeto ezagutuko dugu, ikuspegi berrietatik. Esperientzia honen ondoren, esploratzaile izango gara urian, arreta eta kontu handiagoz behatzen eta entzuten ikasi dugulako.

Eguna: Uztailaren 28an, igandea
Ordutegiak: 10:30etan eta 12:30etan
Hizkuntzak: Euskaraz eta gaztelaniaz
Zelan heldu: Metroa: San Mames, Tranbia: Basurto
Bisitaren iraupena: Ordubete eta erdi
Topalekua: Basurtu Eskolako sarreran (Zankoeta, 2)
Informazioa eta erreserbak: Ekainaren 24tik aurrera (astelehenetik igandera 8:00etatik 20:00etara) 944 010 010 / 010

Euria izanez gero, bisitaren ibilbidea zertxobait aldatuko da.

Egitaraua Deskargatu

EZAGUTU ZORROTZA OINEZ

Doako bisita gidatuak
Irailaren 3etik 28era

ZORROTZA

ZorrotzaBere izenean hiruki forma zorrotza deskribatzen duen Zorrotza auzoa Abandoko elizatearen barruan egon zen 1890era arte. Kadagua ibaiaren eta itsasadarraren ezkerraldeko ertzaren artean, hiru gunetan dago banatuta: Zazpi Zelaiak, Erdigunea eta “La Base”-Puntala. Lehenengo biztanleak nekazari eta abeltzain familiak izan ziren, eta ondoren familia horiek ontzioletako eta portuko lanetan aritu ziren, ingurua gune industrial garrantzitsua bilakatu baitzen. Hor zeuden, beste batzuen artean, Estatuko lehenengo findegia eta “Chimbo” xaboi ezagunaren milioika pastilla egin zituen “Antigua Jabonera Tapia y Sobrino” lantegia.
Lantegi gehienak desagertu ondoren, Zorrotza oso modernizazio prozesu sakonean dago murgilduta. Baina eraldaketa garrantzitsu horretan ezin ditugu bertako biztanleak ahaztu, 11.000 baino zertxobait gehiago. Bizikidetza bilakatu dute euren nortasunaren ikur, auzoa sortu zenetik gaur egunera arte. Horren adibide garbia, aurten 50. urteurrena betetzen duen Auzokideen Elkartea da.

EZAGUTU ZORROTZA OINEZ

34242743242_a2194b66d0_oBilboko Udalak, ondarearen hedapenerako Bilbao Izan programaren bitartez, gure Hiriko historiatik ibilbidea egiteko aukera eskaintzen dizu. Oinez egingo den bisita gidatuaren bitartez, gure iraganaren parte bat, bitxikeriak eta une historiko jakin batzuek Bilboren nondik norakoan izan duten garrantzia ezagutzeko aukera izango duzu.

 

 

Ordutegia:
Astearte eta asteazkenetan: 17:00 eta 18:45
Ostegun eta ostiraletan: 10:30 eta 18:30
Larunbatetan: 10:30 eta 12:30

Euskaraz: Ostegun arratsaldetan bisitak euskaraz izango dira norbanakoentzat. Euskarazko taldeen kasuan, taldearekin berarekin adostuko dira eguna eta ordua, eskariaren arabera

Zelan heldu:
Aldiriko Trena: C1, C2
Bilbobus: 18, 85, 88

Bisitaren iraupena: Ordu eta erdi

Topalekua: Zorrotzako Udaltegia (Clara Campoamor kalea, 1)

Informazioa eta erreserbak:
Abuztuaren 26tik aurrera (astelehenetik igandera 8:00etatik 20:00etara) 944010010/010

Izena eman arren, azkenean ezin baduzu joan, mesedez jakinarazi iezaguzu gutxienez 24 ordu lehenago.

EZAGUTU ZORROTZA FAMILIAN
4 urtetik gorako umeak dituzten familientzat.

cofEz galdu familian egiteko ibilbide hauek; bidezidorretatik joanda eta jolasen eta ipuinen bidez, Bilboko auzoak ezagutuko ditugu. Auzoen jatorria eta bilakera ezagutuko ditugu, auzootako kale, plaza, txoko eta eraikin zaharre- tatik ibiliz…betiere jakinguraren eta sormenaren betaurrekoetatik begira- tuta.
Esploraziorako kit batekin eta zentzumen guztiak erne ditugula, Uria hobeto ezagutuko dugu, ikuspegi berrietatik. Esperientzia honen ondoren, esploratzaile izango gara urian, arreta eta kontu handiagoz behatzen eta entzuten ikasi dugulako.

Eguna: Irailaren 22an, igandea
Ordutegiak: 10:30etan eta 12:30etan
Hizkuntzak: Euskaraz eta gaztelaniaz
Zelan heldu: Aldiriko Trena: C1, C2, Bilbobus: 18, 85, 88
Bisitaren iraupena: Ordubete eta erdi
Topalekua: Azoka parkean dagoen estalitako frontoiaren ondoan (Zorrotza)
Informazioa eta erreserbak: Abuztuaren 26tik aurrera (astelehenetik igandera 8:00etatik 20:00etara) 944 010 010 / 010

Euria izanez gero, bisitaren ibilbidea zertxobait aldatuko da.