- Mitusu kultura- eta hezkuntza-proiektuarekin batera bultzatutako “Eskolatik Antzerkira” ekimenak txikienentzako ikuskizun eszenikoak eskaintzen ditu, eta haiekin antzerkira joaten diren irakasleei esperientziara hurbiltzeko aukera pedagogikoa ematen die.
- Programa honen barruko proposamenak azaroan, martxoan eta apirilean gozatu ahal izango dira, besteak beste, Campos Antzokian, Azkuna Zentroan eta Otxarkoagako Udaltegian. Erreserbak irailaren 19tik 30era egin daitezke eta sarrerak 5 euro balioko du publiko orokorrarentzat eta doakoa izango da irakasleentzat.
- Bestalde, Eskola Antzerkiaren Lehiaketaren deialdia ikastetxean antzerki-jarduerak garatzen dituzten eta arte eszenikoak gazte-gaztetatik sustatu nahi dituzten haur eta gazteei zuzenduta dago.
- Lehiaketan parte hartu nahi duten talde guztiek aurkeztu beharreko obrari buruzko txostena bidali beharko dute posta elektronikoz ([email protected]) 2023ko apirilaren 21a baino lehen.
(Bilbo, 2022ko irailaren 16a).- Bilboko Udalak apustu sendoa egin du gazteenak antzerkira hurbiltzearen alde, 2022 – 2023 ikasturte honetan berriro martxan jarriko diren bi ekimenen bidez.
Alde batetik, Udalak “Eskolatik Antzerkira” -ren edizio berri bat jarriko du abian, Mitusu kultura eta hezkuntza proiektuarekin batera sustatua. Proiektu horrek txikienentzako ikuskizunak eskaintzen ditu eta beraiekin antzerkira joaten diren irakasleei esperientziara hurbiltzeko aukera pedagogikoa ematen die. Bestalde, Bilboko Eskola Antzerkiaren Lehiaketaren XXVI. edizioaren deialdiarekin, arreta jartzen duena antzerkiaren mundua jarduera-programaren barruan lehenesten duten ikastetxeen lanari laguntzean.
“ESKOLATIK ANTZERKIRA”
Programa didaktiko hau antzerki- eta dantza-emanaldiez hornitzen da, hiriko espazioetan dauden ikastetxeetako ikasleei zuzenduta. Ekimen honetarako, ikuslearen prestakuntza-gida batzuk egingo dira, hautatutako ikuskizunari buruzko hausnarketak eta informazioak eta antzezpenera joan aurretik eta/edo ondoren ikasgelan egiteko jarduera-proposamenak barne. Ikusleen emozioak adierazteko iradokizunez gain,
Honako proposamen hauek parte hartuko dute edizio berri honetan: “Nire Beldurrik Maiteenak”, Ane Maestro Juán-ena; eta “Kotondarrak”, Iván Alonsorena, lehen hezkuntzako lehen ziklorako ikuskizuna; “Zuhaitzak Landatzen Zituen Gizona”, José C. García eta Kike Díaz de Radarena; eta “Lunatikus Zirkus”, Ramón Molins, eta Tomás Fdez. Alonsorena, biak lehen hezkuntzako bigarren ziklorako; eta“Laika”, Enric Ases, Marc Costa, Christian Olivé, Daniel Carreras eta Iolanda Llansórena; eta “Ahatetxo Itsusi Baten Egunerokoa”, Tonio De Nittorena, Lehen Hezkuntzako hirugarren zikloko publikoarentzat diseinatuak. Haurrek, berriz, Jordi Palet eta Tian Gombau-ren “Zapata Berriak”, Victor Borrás-en “Mario Dinosauroa” eta Rosa A. García eta Ramón Molins-en “Xokolat” ikusi ahal izango dituzte.
Proposamen horiek azaroan, martxoan eta apirilean gozatu ahal izango dira, besteak beste, Campos Antzokian, Azkuna Zentroan eta Otxarkoagako Udaltegian. Sarrerak 5 euro balioko du publiko orokorrarentzat eta doakoa izango da irakasleentzat.
Erreserbak irailaren 19tik 30era egin daitezke (9:00etatik 15:00etara) 672 689 548 telefonoan edo online mitusu.net webgunearen bidez. Antolatzaileek e-mailez jakinaraziko dute ikuskizunetara joango direla. Ikastetxeek sarreren %100 sartu beharko dute hamabost egun lehenago.
ESKOLA ANTZERKIAREN XXVI. LEHIAKETAREN DEIALDIA
Pandemiak eragindako geldialdiaren ondoren, lehiaketa hau bere ikastetxean antzerki-jarduerak garatzen dituzten 3 eta 17 urte bitarteko haur eta gazteei zuzenduta dago, eta hiriko haur eta gazteen artean arte eszenikoak sustatzea du helburu.
Epaimahai espezializatu batek aukeratuko ditu muntaia irabazleak, eta ekainean Arriaga Antzokian egingo den azken gala handian ikusle guztientzat antzeztuko direnak hautatuko ditu.
Bilboko Udalak haurtzarotik antzerkia sustatzearen eta babestearen aldeko apustua irmoa da. Horrela, Eskolako Antzerkiaren Lehiaketa honekin, Kultura Sailak publiko horrentzat antolatutako gainerako antzerki jarduerekin batera (Bilboko Eskolatik Antzerkira, Bilbao Eszenako antzerki tailerrak, etab.), helburu hauek lortu nahi dira:
- Umeenentzako eta gazteentzako antzerki-programazio finkoa bultzatzea urian.
- Familiako kulturaren arloko kontsumoan parte har dezatela familiek.
- Kultur hezkuntzan, oro har, eta, bereziki, antzerkigintzan ikastetxeek egiten duten lana aitortzea eta ospea ematea.
LEHIAKETAREN OINARRIAK
Lehiaketa hau arautzen duten oinarrietan zehazten den bezala, gai libreko lanak aurkez daitezke, euskaraz, gaztelaniaz, beste edozein hizkuntzatan edo testurik gabe.
Eskola mailako lehiaketa denez, eta, hortaz, hezkuntza esparrukoa, garrantzizkoa da lanaren gaia eta bertan egokitzat aurkeztutako pertsonaereduak, jokaerak eta gizarteak ez daitezela joan ikastetxean jorratzen diren zeharkako balioen aurka.
Lanak gelan edo eskolaz kanpoko jarduera moduan antolatu ahal izango dira. Ikastetxe bakoitzak gehienez hiru obra aurkeztu ahal izango ditu
Bilboko udalerri barruko ikastetxeek bakarrik har dezakete parte.
LEHIAKETAKO SARIAK
Sari guztiak balio berekoak dira (ez dago lehenengo saririk, bigarrenik, hirugarrenik eta horrelakorik) eta eszena eta hezkuntza arloko irizpideen arabera emango dira.
Epaimahaiak sei sari emango ditu guztira, palmaresaren arabera, eta bere kabuz izendatutako akzesit bakarra emateko aukera ere izango du, guztiak ere diru-kopuru berekoak: Lan eszenikorik onena (300 €); Proposamen eszenikorik originalena (300 €); Obraren alderdi teknikoen tratamendurik onena (300 €); Antzerki, dantza, zirku edo bestelako diziplina eszenikoak berreskuratzeko lanik onena (300 €); Interpretazio global eta koraleko lanik onena (300 €); Parte-hartzaileen adinera ondoen egokitutako lana (300 €); Epaimahaiak bere kabuz izendatutako akzesit bat, palmaresean jaso gabeko alderdiak saritzeko (300 €).
Gainera, epaimahaiak izendapen askeko accesit bat emango du, palmaresean jaso ez diren alderdiak saritzeko (300 euro). Saria dirutan jaso ahal izateko, ekainean Arriaga Antzokiko azken galan antzeztea eskatuko da, aukeratua izan bada.
Parte hartu nahi duten talde guztiek aurkeztu beharreko obrari buruzko txostena bidali beharko dute e-mailez ([email protected]) 2023ko apirilaren 21a baino lehen.
SARE SOZIALAK:
