MANUEL VILAS, 2023KO NADAL SARIAREN IRABAZLEA, BIDEBARRIETA KULTURGUNEAN IZANGO DA ASTEAZKEN HONETAN BERE LIBURUA “NOSOTROS” AURKEZTEKO

  • Aurkezpen honetan egileak Galder Reguera idazlearekin hitz egingo du.

  • Hitzordua 19:00etan hasiko da Liburutegiko Areto Nagusian.

(Bilbao, 2023ko otsailaren 20).- Bilboko Udalaren Bidebarrieta Kulturguneak ASTEAZKEN HONETAN, OTSAILAK 22, 2023ko Nadal Sariaren irabazlea izango du, Manuel Vilas. Egilea “Nosotros” liburua aurkeztuko du eta berarekin izango da Galder Reguera idazlea.

  • Aurkezpena 19:00etan hasiko da Bidebarrietako Liburutegiko Areto Nagusian.

Nosotros” nobela honek maitasun-sentimenduaren mugak aztertzen ditu, eta, aldi berean, utopia intimo, irudimentsu eta hilgarri batean harrapatuta dagoen emakume baten arimaren sakonera bidaiatzen du. Hala ere, poliki-poliki, bakardadeak bere legea eta bere urradura ezartzen dituela konturatuko da.

Manuel Vilas (Barbastro, 1962) sei poema-liburu idatzi ditu eta bere lan lirikoa honako lan hauetan bildu da: “Amor” (2010), “Poesía completa” (2016) eta “Una sola vida” (2022). Bere lan narratiboa “España” lanarekin hasi zen eta, gero, “Aire nuestro”, “Los inmortales”, “El luminoso regalo”, eta “Zeta”, eta “Setecientos millones de rinocerontes” kontakizun-liburuak etorri ziren. “América”, “Listen to me” eta “Lou Reed era español” bidaia liburuen egilea da. “Ordesa” (2018), bere eleberria, hogei hizkuntzatara baino gehiagotara itzuli zen, eta Babeliak urteko liburu aukeratu zuen. Femina saria jaso zuen, atzerriko eleberri onenari Frantzian emandakoa. “Alegría” (2019), hainbat hizkuntzatara itzulita, Planeta sariko eleberri finalista izan zen. 2021 “Los besos” argitaratu zuen. “Nosotros” bere eleberri berriena da eta 2023ko Nadal Eleberri Saria jaso du. El País eta beste hedabide batzuetan idazten du

BIDEBARRIETA KULTURGUNEA Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.

  • Hitzordu honetarako sarrera doakoa da eta sarrera librea izango da lekua bete arte.

  • Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.

SARE SOZIALAK

www.bilbaokultura.eus