XXXV BILBAINADA LEHIAKETA, 2023
BILBOko UDALeko KULTURA ETA GOBERNANTZA SAILAK, NERBIOI IRRATIAren eta TELEBILBAOren laguntzarekin, XXXV. BILBAINADA LEHIAKETArako deialdia egin du. Lehiaketa hau gaur egungo gaiak dituzten kanta herrikoi berriak sortzen bultzatzeko da, horrela Bilboko kanta herrikoien jai-ukituari eta tradizioari eutsi nahi diogu.
OINARRIAK
1.- Lehiaketa honetan nahi duten guztiek har dezakete parte, ezelako muga barik.
- – Aurkeztutako kantak bilbainadak izango dira, hau da, itsasadarraren inguruko herriei, bertako pertsona famatuei eta eguneroko gorabeherei buruzko gaur egungo gaiak dituzten kanta herrikoiak.
3.- Kanten ale bakarra aurkeztuko da, euskaraz edo gaztelaniaz eta grabazio batean kantatuta.
Kantaren musikaren partitura ere aurkeztea gomendatzen da, lehiaketa irabazten duten kantak grabaketa errazteko eta ohiko galetan kantatzeko.
Azkenik, lehiaketan parte hartzeko, izena emateko orria bete beharko da (I. Eranskina). Bertan adieraziko dira lehiaketan aurkezten diren lanen egilea edo egileen izen-abizenak, NAN zenbakia, helbide elektronikoa, etxeko ohiko posta eta harremanetarako telefonoa.
4.- Aurkeztutako kantak originalak izango dira eta ezingo dira beste lehiaketa batzuetan saritutakoak izan. Ezingo da lehendik argitaratuta dagoen lanik aurkeztu.
5.- Grabazioak eta kanten hitzak aurkeztu beharko dira 2023ko ekainaren 2an, 14:00ak baino lehen:
–BILBOKO UDALEKO KULTURA ETA GOBERNANTZA SAILAn
Aznar Eraikina, Venezuela plaza, 2 – 6.
48001 BILBO
Informaziorako telefonoa: 94-420 48 70 (08:30-13:30)
–NERBIOI IRRATIAN
Hurtado Ametzaga, 27 – 17.
48008 BILBO
Informaziorako telefonoa: 94-410 09 09
6.- Epaimahaia Kultura eta Gobernantza Saileko zinegotzi ordezkariak izendatuko du lehiaketaren epaia.
Musika arloko profesional bi egongo dira gutxienez eta oinarri hauetako edozein zalantza edo azaldu gabe utzitakoak erabaki eta interpretatu ditzake epaimahaiak eta beti izango du lehentasuna bere irizpideak. Era berean, erabakia ezingo da apelatu.
- – Hauek dira sariak:
– Euskarazko bilbainadarik onena: 955 € eta On Diego
– Gaztelaniazko bilbainadarik onena: 955 € eta On Diego
– 8 accesit: 420 € eta plaka
Saritutako lan bat egile batek baino gehiagok aurkezten duenean, sariaren zenbatekoa zati berdinetan banatuko da.
Diru-kopuru horri dagozkion atxikipenak egingo zaizkio, indarrean dauden arauen arabera (Espainiar estatuko egoiliarrentzat Pertsona Fisikoen Errentaren gaineko Zerga eta atzerriko egoiliarrentzat Ez-egoiliarren Errentaren gaineko Zerga).
Era berean, epaimahaiak ohorezko sari moduan On Diego bat edo gehiago eman ditzake gure urian hain sustraitua dagoen musika-mota hau bultzatzen eta laguntzen euren ibilbidean nabarmendu diren pertsonarentzat edo pertsonentzat.
Sari guztiak, edo euren batzuk, eman gabe utzi daitezke.
8.- Saririk jaso ez duten originalak 5. atalean aipatutako Radio Nervion-eko helbidean jaso ahal izango dira 2023ko irailaren 22a baino lehen.
9.- Bilboko Udalak eskubidea izango du saritutako lanak ustiatzeko Jabetza Intelektualaren Legearen Testu Bateratuan ezarritako mugak beteta.
Erabilera horien artean, honako baimen hauek daude beren-beregi adierazita: CD bat egiteko baimena irabazten duten kantak kantari profesionalek abestuta, diska hori Gabonetan egin ohi den galan aurkezteko baimena eta gala hori grabatzeko eta zabaltzeko baimena.
Saria bera izango da Bilboko Udalak egingo duen ordainketa bakarra jabetza intelektualaren eskubideak jasotzeagatik.
Eskubideen lagapena esklusiboa izango da epaia jakinarazi eta urtebeteko epean.
10.- Lehiaketa honetan parte hartzeak arauok osorik onartzen direla esan gura du. Oinarrietan araututa ez dagoenerako, ordezko izaeraz, Bilboko Udalaren eta zuzenbide publikoko bere erakundeen eta entitateen deialdiaren bidez diru-laguntzak emateko oinarriak arautzen dituen Ordenantza Orokorra aplikatuko da. Bilboko Udalak 2016ko ekainaren 30ean onartu zuen ordenantza hori eta Bizkaiko Aldizkari Ofizialean, 2016ko uztailaren 20ko 138 zenbakian argitaratu zen.
BILBOKO UDALAK BADITU XXXV. BILBAINADA LEHIAKETAKO KONPOSIZIO IRABAZLEAK
-
Lehiaketaren helburua gaur egungo gaiak dituzten kanta herrikoi berrien sorkuntza bultzatzea da.
-
Sari banaketa Aste Nagusiko ostiralean izango da, Casilda andrearen Pergolako agertokian, eta kantu irabazleen diskoaren aurkezpena abenduan egingo da Arriaga Antzokian.
(Bilbo, 2023ko ekainaren 22an).- Bilboko Udalak urtero antolatzen duen Bilbainaden lehiaketa, Radio Nervion eta Telebilbaoren lankidetzarekin, eta 2023. urtean bere XXXV. ediziora iritsi dena, irabazleak ditu dagoeneko.
Lehiaketaren atal berri honetan, guztira 27 konposizio aurkeztu dira, eta saridunak honako hauek izan dira: “GOAZEN ARRIAGA”, Alberto Núñez Baracaldorena, euskarazko bilbainada onenaren kategorian; eta “AQUELLAS SIETE CALLES“, Josune Barroeta Etxebarriarena, gaztelaniazko bilbainada onenaren kategorian.
Bi kategoria horietarako saria 955 eurokoa da eta oroimenezko trofeoa.
Gainera, 420 euroko zortzi akzesiten pieza irabazleak honako hauek dira:
-
“PASEAR POR BILBAO”, Manuel Arroyo Giménez
-
“BELAUNALDI BERRI BAT”, Xabier Rementeria eta Roberto Gutiérrez de Rozas
-
“HISTORIA DE LA PLAZA NUEVA”, Ángel María Gorostidi
-
“GARRAPIÑADAS DE INDAUTXU”, Aurelio Marroquín Gómez eta Markos Basterretxea Zubizarreta
-
“KANPOKO BILBOTARRA”, Juan Carlos Arzamendi Fernández eta Aintzane Arzamendi Morena,
-
“SOKA-RIA”, Juan Carlos Arzamendi Fernández
-
“A LAS BILBAINADAS”, Alberto Númez Baracaldo
-
“GURE TOURRA”, Josune Barroeta Etxebarria
Edizio honetan, ohorezko bi sari ere izango dira, Bilbainaden ibilbideagatik, laguntzagatik eta bultzadagatik. Horrela, horietako bat Jose Antonio Nielfarentzat, “La Otxoa”-rentzat, izango da, aurten agertokiei agur esango diena, bilbainaden generoa bere abestietan beti presente egon den ibilbide musikal baten ondoren, bai musikan bai letretan.
Bestea Anabel Angulo Radio Nervioneko langilearentzat da, erretiroa hartu duelako. Izan ere, urteetan zehar, bere barne lan administratibo nekaezinari esker, lehiaketa honen erreferentzia izan da konpositore, musikari, grabazio estudio, kontzertu eta gala guztientzat.
Aurtengo epaimahaia honako hauek osatu dute: Gonzalo Olabarria (Bilboko Udaleko Kultura eta Gobernantza zinegotzia), Itziar Urtasun (Jaietako zinegotzia eta Kultura eta Gobernantza Saileko Zinegotzi Delegatu Ondokoa), Ana Madariaga (Bilbao Musikako zuzendaria), Amagoia Loroño (Akordeoien Orkestrako zuzendaria), Iñaki Uranga (musikaria) eta Enrique Campos (TeleBilbaoko zuzendaria).
Sari banaketa Aste Nagusiko ostiralean egingo da, Casilda Iturrizar Parkeko Pergolako agertokian, eta konposizio sarituak bilduko dituen diskoaren aurkezpena abenduan egingo da Arriaga Antzokian.
BILBAINADAK SAREAN
Era berean, Bilboko Udalak, lehiaketa beterano honen abestiak zabaltzen laguntzeko asmoz, aurreko edizioetako gaiak Interneten jartzen hasi da jarraituko du, iazko abestietatik hasita. Hala, BILBAINADAK lehiaketaren XXXIV. edizioko konposizioak doan entzun daitezke ahalko dira laster Youtube eta Bandcamp webgunetan.
BILBOREN HISTORIA
Bilbainaden lehiaketa, urteen poderioz, uriaren gaurkotasuna errepasatzen duten abestien bilduma bihurtu da. Bilbainadetan Bilboren historia kontatzen da, lan arkitektoniko, garraiobide, erakunde edo pertsonaia esanguratsuenak oinarri hartuta. Lehiaketa honen bidez, Udalak, Radio Nervión eta Telebilbao-ren laguntzarekin, musika-sorkuntza sustatu nahi du, jai-giroari eutsi eta herri-abestien tradizioa bultzatu, bilbainaden bitartez.
SARE SOZIALAK:
