- Hitzordua 19:00etan hasiko da, Bidebarrietako Liburutegiko Areto Nagusian.
- Egilearekin batera Juan Ignacio Pérez Iglesias izango da, EHUko Kultura Zientifikoko Katedrako zuzendaria.
(Bilbon, 2022ko martxoaren 1ean).- Bilboko Udaleko Bidebarrieta Kulturgunean Antonio Martínez Ron-en liburu berria aurkeztuko da, martxoaren 4an, OSTIRALA, 19:00etan. Harekin batera izango da Juan Ignacio Pérez Iglesias, UPV/EHUko Kultura Zientifikoko Katedrako zuzendaria.
Liburu hau zerua ezagutzeko historiaren errepasoa da, gizateria gero eta gorago zegoen bitartean atmosferaren sekretuak nola deszifratu ziren kontatzen duena eta unibertsoan bere tokiari buruzko ikuspegia ematen duena.
Bere orrietan galdera hauei erantzuten zaie: zergatik egiten duen euria, zer duen aireak eta non hasten den espazioa, baina zeru-gangaren txoko bakoitza konkistatu zutenen ikuspegitik, urratsez urrats.
Munduko gailurretara hodeiak atzemateko igo ziren aitzindarien, arnas daitekeen itsasoaren mugetaraino igo ziren hegazkinen eta altuerako makina ikusezinak erakutsi zituzten meteorologoen istorioa.
Antonio Martínez Ron kazetari zientifikoa eta idazlea da. Hainbat hedabidetan, irratian eta telebistan zientzia-editore gisa lan egin du eta bere lanbideko aintzatespen garrantzitsuenetako batzuk jaso ditu, hala nola Ondas saria eta Concha García Campoy saria. “Naukas” plataformaren eta “Catástrofe Ultravioleta” podcastaren sortzaileetako bat da, eta bi denboralditan parte hartu zuen “Orbita Laika” (TVE) programaren laguntzaile gisa. “El ojo desnudo”, “¿Qué ven los astronautas cuando cierran los ojos?” eta “Papá, ¿dónde se enchufa el sol?” liburuen egilea da. Horiek guztiak Crítica argitaletxean argitaratu ziren.
BIDEBARRIETA KULTURGUNEA kulturari eskainitako gunea da, Bidebarrietako liburutegiaren barruan. Kultura, literatura eta zientzia garatzea eta sustatzea du helburu.
- Sarrera doakoa da eta sarrera librea, leku-kopurua bete arte..
- Bertaratzerik ez badago, aurkezpena streaming bidez jarraitu ahal izango da www.kulturguneatb.eus webgunean.
- Bertaratzerik ez badago, aurkezpena streaming bidez jarraitu ahal izango da www.kulturguneatb.eus webgunean.
SARE SOZIALAK
