BIDEBARRIETA KULTURGUNEAK BIHAR, ASTEAZKENA, HILAK 25, OSPATUKO DUEN “GAURKOTASUNAREKIKO TOPAKETAK” ZIKLOKO HITZORDU BERRIA TRANS LEGEAN OINARRITUKO DA

  • Topaketa honetan, Dani Álvarez eta Mikel Reparazekin batera, Bea Sever sexologian aditu eta Naizen elkarteko bozeramaileak parte hartuko du.
  • Hitzordua 19:00etan hasiko da Liburutegiko Areto Nagusian.

Bilboko Udalaren Bidebarrieta Kulturgunean asteazkena, MAIATZAREN 25a, “Gaurkotasunarekiko Topaketak” hitzordu berria ospatuko da, Dani Alvarezek eta Mikel Reparazek gidatutako zikloa. Hitzordua 19:00etan hasiko da Bidebarrietako Liburutegiko Areto Nagusian.

Gaurkotasunarekiko Topaketak” dibulgazio-zikloan, zorroztasunetik abiatuta, gai gori-goriak sakon aztertu nahi dira, akademizismotik ihes eginez. Horretarako, gai bakoitzean adituak diren pertsonak egongo dira, gai horiei buruz ahalik eta modu didaktiko eta arinenean eztabaidatzeko.

Oraingo honetan, topaketak “Hacia la ley trans: yo sé quién soy” izenburua du, eta hobeto ulertzeko, hitzordu honetan parte hartuko du Bea Sever sexologian adituak eta Naizen elkarteko bozeramaileak.

Naizen Arabako, Bizkaiko, Gipuzkoako eta Nafarroako adingabe transexualen familiak biltzen dituen elkartea da, eta bere helburu nagusien artean honako hauek ditu: familien arteko laguntza-sare bat osatzea; informazioa, aholkularitza eta prestakuntza ematea transexualitate-egoeran dauden adingabeekin harremana duten edozein arlotako profesionalei (osasuna, hezkuntza, gizartea, justizia, kirola, kultura); edo hitzaldi irekiak antolatzea, familientzako eta adingabe horiekin harremanetan dauden profesionalentzako prestakuntza espezifiko gisa.

BIDEBARRIETA KULTURGUNEA Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.

  • Hitzordu honetarako sarrera doakoa da eta sarrera librea izango da lekua bete arte. 
  • Bertaratzerik ez badago, aurkezpena streaming bidez jarraitu ahal izango da Kulturgunea Telebista webgunean. 

SARE SOZIALAK

www.bilbaokultura.eus