- Topaketa Dani Alvarez eta Mikel Reparazen eskutik gidatuta egongo da eta, bertan, Elen Irazabal Aranak, abokatua eta Adimen Artifizialean adituak, parte hartuko du.
- Hitzaldia 19:00etan hasiko da Liburutegiko Areto Nagusian.
(Bilbo, 2023ko maiatzaren 16a).- Bilboko Udaleko Bidebarrieta Kulturguneak MAIATZAREN 23AN, ASTEARTEA, “Gaurkotasunarekiko Topaketak” zikloaren hitzordu berri bat hartuko du, Dani Álvarezek eta Mikel Reparazek gidatutako.
Hitzaldia 19:00etan hasiko da Bidebarrietako Liburutegiko Areto Nagusian eta bertan, Elen Irazabal Aranak, abokatu eta Adimen Artifizialeko adituak, parte hartuko du.
Elen Irazabal zuzenbidean eta adimen artifizialak abokatuei planteatzen dizkien erronka berrietan aditua da. Topaketa honetan teknologia horren aukera eta mehatxuen errepasoa egingo da. Gainera, Adimen Artifizialeko aitzindarietako batek, Geoffrey Hintonek, egindako aipamenei buruz eztabaidatuko da, alegia, Google utzi aurretik datozen arriskuez ohartarazi zuenari buruz. Era berean, adibide praktikoak partekatuko dira, argi uzteko zein zaila den errealitatea eta gezurra bereiztea, teknologia horrek gazteenen hezkuntzan eta etorkizunean izan ditzakeen ondorioak mahai gainean jarriz.
“Gaurkotasunarekiko topaketak” dibulgazio-zikloa da, non, zorroztasunetik abiatuta, gai gori-goriak sakon aztertzen dira, akademizismotik ihes eginez. Horretarako, gai bakoitzean adituak diren pertsonak daude, eta ahalik eta modu didaktiko eta arinenean eztabaidatzen dute.
BIDEBARRIETA KULTURGUNEA Bidebarrietako Liburutegiaren barruan kulturari eskainitako gunea da. Bere helburuen artean kultura, literatura eta zientzia garatu eta sustatzea dago.
- Hitzordu honetarako sarrera doakoa da eta sarrera librea izango da lekua bete arte.
- Bertaratzerik ez badago, aurkezpena streaming bidez jarraitu ahal izango da Bidebarrieta Kulturgunearen YouTubeko kanalean.
SARE SOZIALAK:
