EKO Zirkuko Pirinioak mugaz gaindiko lankidetza-proiektu europarra da. Helburua da mugaz gaindiko zirkuko artisten gaitasunak eta trebeziak garatzea, prestakuntza, sorkuntza eta esperimentazioa uztartuz trantsizio ekologikoari heltzeko.
Frantzia eta Espainiako mugaz gaindiko eremu osoko 14 bazkide biltzen ditu proiektuak:
<em>La Grainerie (proiektuaren arduraduna), APCC / La Central del Circ, Bilboko Udala, Huescako Udala, Consorci Transversal, Arabako Foru Aldundia, Huescako Diputazioa, El Canal / Ajuntament de Salt, Ésacto Lido’Pro, Aragoiko Gobernua, Malandain Ballet Biarritz, Occitanie en Scène, Université Toulouse Jean Jaurès, Hendaiako Hiria.</em>
2024tik 2027ra bitartean garatu beharreko lankidetza-proiektua da EKO, 1.681.820 euroko aurrekontuarekin. Europar Batasunak % 65ean kofinantzatzen du, Interreg VI-A Espainia-Frantzia-Andorra (POCTEFA 2021-2027) programaren bidez. POCTEFA programaren helburua Espainia-Frantzia-Andorra mugaz gaindiko eremuaren integrazio ekonomikoa eta soziala indartzea da.
HAUTATUTAKO PROIEKTUAK
(Bilbon, 2025eko urtarrilaren 31n).– Bilboko Udala partaide duen EKO – ZIRKUKO PIRINIOAK europar proiektuak zirkuko ikuskizunak sortzeko eta bitartekotza egiteko 2025-2026 deialdian parte hartuko duten proiektuak eta konpainiak jakinarazi ditu. Horien artean lau euskal konpainia daude.
EKO – ZIRKUKO PIRINIOAK programari esker, artistek egoitzak egin ditzakete sorkuntza-gune desberdinetan, eta, gainera, euskarri ekonomikoa eskaintzen die.
Hauek dira hautatutako euskal konpainiak: Colectivo entre Corpdes “Kankarro” proiektuarekin; La Trapecionista “Zuhamu” proiektuarekin; Twisting the Balance “Baubo” proiektuarekin; eta Iparraldeko Rouge Elea konpainia “Lurruna” lanarekin. Guztira, 70 hautagaitza aurkeztu dira eta horietatik 15 mugaz gaindiko eremu osokoak izan dira (Euskadi, Okzitania, Katalunia, Aragoi eta Akitania Berria).
Hautatutako gainerako proiektuak honako hauek dira: “Nemesis” Accidental Company konpainiarena (Katalunia); “Insula” Alexandre Duran Davinsena (Katalunia); “Secrets”, Companyia de circ EIA (Katalunia); “RUTA”, Capicua (Aragoi); “Frágiles”, D’Click (Aragoi); “PIFIA”, Seon (Aragoi); “Trans-Humante(s)”, Sweet Chilli Circus Company (Aragoi); “Bleu Electrique”, Cirque Pardi! (Okzitania); “Entre bous i vaques”, La Côte Folle (Okzitania); “Attention à ta tête ou étude sur la chute”, Le Polpesse (Cirque Portatif) (Okzitania); eta “Ça-Turne”, Non Sin Tri (Okzitania).
Hurrengo etapan, proiektuaren bitartekari-prestakuntza emango da. Horretarako, lehen bilera bat antolatuko da konpainiekin, otsailean, Arabako Ozaeta herrian dagoen Garaion Sorgingunean. Bilera horretan Hackathon prestatuko da, martxoan La Grainerie-n egingo den sormen maratoia. Bi topaketa horietan, hautatutako konpainien mugaz gaindiko sorkuntza- eta bitartekaritza-ibilbideak prestatzen eta esperimentu ekologikoen ezarpenean lan egiten hasiko dira.
EKO – ZIRKUKO PIRINIOAK 2024tik 2027ra garatzekoa den mugaz haraindiko lankidetza-proiektu europarra da. Europar Batasunak proiektuaren % 65 finantzatzen du, Interreg VI-A Espainia-Frantzia-Andorra (POCTEFA 2021-2027) programaren bidez. Programa horren helburua tokiko konpainien mugikortasun-, prestakuntza-, sorkuntza- eta hedapen-aukerak hobetzea da, mugaz haraindiko eremuaren barruan, bai eta konpainia horiek trantsizio ekologikoa gauzatzeko dituzten eskumenak garatzea ere.
EKO – Zirkuko Pirinioak proiektuak hainbat bazkide ditu, horien artean Bilboko Udala, horrela Bilboko 2023-2033 Kultura Plan Estrategikoaren jarraibideei jarraitzen diena; horien artean Bilboko kultur eta sormen eragileen nazioartekotzea eta kultur trukerako aukeren aprobetxamendua daude.
