Pop britainiarraren mito ikoniko psikodelikoak, The Beatles-en ostean Erresuma Batuko bigarren taldea izan zen 1. tokia lortzen Estatu Batuetako arrakasta-zerrendetan.

The Zombies biran dabiltza, beren azken albuma, “Still Got That Hunger”, sustatzen, eta taldean daude sortzaile izandako kideak eta egungo beste batzuk: Colin Blunstone abesten, eta Rod Argent teklatua, Steve Rodford bateria, Tom Toomey gitarra eta Soren Koch baxua jotzen.

Taldearen zuzeneko emanaldiak benetako bidaia dira denboran zehar, beraien lehenengo arrakasta hartatik ─68ko maisulana, “Odessey & Oracle” (100. Tokian egon zena Rolling Stone aldizkarian, garai guztietako 500 album onenen barruan)─ gaur arte, “Still Got That Hunger” lanarekin.

Por un puñado de dólares, La muerte tenía un precio, El bueno, el feo y el malo, Érase una vez en América, Los odiosos ocho… eta Ennio Morriconek konposatutako beste soinu-banda handi batzuk zine-aretoetatik aterako dira, eta areto sinfoniko batera heldu; izan ere, irudietatik harago bizitza propioa dutela erakutsiko dute.

Hollywood Symphony Orchestrak aurkeztuko duen egitarauak zinemazale guztiak asko poztuko ditu, baina baita musikazaleak ere orokorrean, zazpigarren artearen historian gehien ikusi eta saritu izan diren filmetako batzuk ospetsu bihurtu zuten betiereko melodiekin. Memoria kolektiboaren parte diren eta bere garaian filmek eragin ziguten zirrara eragiten jarraitzen duten pieza unibertsalak.