Aitor Gutiérrezen “Anómalo” lanak Euskal Zinearen Sari Nagusia lortu du, eta Javier Maciperen “Os meninos do rio” filmak Zine Espainiarraren Sari Nagusia; Adam Breier zinegile kubatarraren “Marea” lanak lortu du Film Latinoamerikar Hoberenaren Saria.
ZINEBIren 56. edizioaren amaiera ekitaldia Unax Ugalde eta Goya Toledo antzezleek aurkeztuko dute, eta GAUR ospatuko da Arriaga Antzokian. Ekitaldian, sari guztiak banatzeaz gain, hil ondorengo Ohorezko Mikeldia emango zaio Alex Angulo antzezleari. Horrez gain, Zinebi 56k berriztatu duen Raúl Peñaren “Más allá de Bilbao” (1961) film labur dokumentala ere eskainiko da.
BIHAR, larunbata, saria irabazi duten jaialdiko lan guztiak proiektatuko dira, arratsaldeko 18:00etatik aurrera, Arriaga Antzokian.
Bilbon, 2014ko azaroaren 21ean. Chun-Kyu Park Hego Koreako zinegilearen “Mould” (2014) fikziozko film labur dokumentalak irabazi du Bilboko Dokumentalen eta Film Laburren Nazioarteko Jaialdiaren (ZINEBI) 56. Edizioko Sari Nagusia. 15 minutu baino pixka bat gehiago irauten duen eta Aitor Gutiérrez euskal zuzendari gazteak egin duen “Anómalo” fikziozko lanak irabazi du Euskal Zinearen Sari Nagusia, Javier Maciperen “Os meninos do rio” filmak lortu du Zine Espainiarraren Sari Nagusia. Azken hori ere fikziozko lana da.
Horrez gain, Adam Breier zingilearen “Marea” film kubatarrak lortu du Film Latinoamerikar Hoberenaren Saria. Zinebiko aurtengo edizioan 65 film lehiatu dira Sekzio Ofizialean.
Sarituen zerrenda gaur goizean aurkeztu du ZINEBI 56ko epaimahaiak. Aurtengo epaimahaiko kideak hauek izan dira: Alberto García Ferrer, Asociación de Televisiones Educativas y Culturales Iberoamericanas izenekoaren Idazkari Nagusia; Carlos Balagué zinegile, kritikari eta saiakeragile katalana, Ingrid Mwangi multimedia artista keniarra, Olga Pärn zinegile bieloerrusiarra eta Jon Sistiaga euskal kazetaria.
ZINEBIren 56. edizioaren amaiera ekitaldia Unax Ugalde eta Goya Toledo antzezleek aurkeztuko dute, eta GAUR ARRATSALDEAN ospatuko da Arriaga Antzokian (20:00etan). Ekitaldian, sari guztiak banatzeaz gain, hil ondorengo Ohorezko Mikeldia emango zaio duela denbora gutxi hil den Alex Angulo antzezleari. Saria Mayda Zabala emazteak eta Dodó alabak jasoko dute.
Horrez gain, amaiera ekitaldian, 1961ean Raúl Peña zinegile beteranoak egin zuen “Más allá de Bilbao” film labur dokumentala eskainiko da. ZINEBIren ekimenari esker orain berriztatu den film laburra, Itsasadarrari eta garai hartako Bilboko hiriguneei buruz koloretan egindako lehenengo erretratutzat har daiteke.
SARIAK GENEROZ-GENERO
Zine dokumentalaren atalean, Urrezko Mikeldia Morgan Knibberen “Shipwreck” (Herbehereak, 2014, 15 min.) filmak jaso du, eta Felipe Bustosen “Nae pasaran” (Britainia Handia, 2013, 13,24 min.) dokumentalak irabazi du Zilarrezko Mikeldia.
Fikziozko film hoberenaren Urrezko Mikeldia, Milad Alamiren eta Aygul Bakanovaren “Void” (Danimarka, 2014, 17 min.) lanak irabazi du, eta kategoria horretako zilarrezko Mikeldiari dagokionez, Petros Silvestrosen “Mike” (Britainia Handia, 2014, 8 min.) filmak jaso du.
Animazioaren atalean, Urrezko Mikeldia Tomek Duckiren “Laznia” (Polonia, 2013, 4 min.) lanak irabazi du, eta Jossi Malisen “Bendito machine V-pull the trigger” (Espainia, 2014, 12 min.) filmak jaso du Zilarrezko Mikeldia.
ERANSKINA: ZINEBI 56KO SARIEN ZERRENDA
BILBOKO JAIALDIKO SARI NAGUSIA
“MOULD”, Chun-Kyu Park (Hego Korea)
EUSKAL ZINEAREN SARI NAGUSIA
“ANÓMALO”, Aitor Gutiérrez (Euskadi)
ZINE ESPAINIARRAREN SARI NAGUSIA
“OS MENINOS DO RIO”, Javier Macipe (Espainia/Portugal)
FIKZIOZKO ZILARREZKO MIKELDIA
“MIKE”, Petros Silvestros (Britainia Handia)
FIKZIOZKO URREZKO MIKELDIA
“VOID”, Milad Alami / Aygul Bakanova (Danimarka)
FIKZIO KATEGORIAKO AIPAMEN BEREZIA
“MI VIDA ES EL CINE”, Bogdan Toma / Fernando Cayo (Espainia)
ANIMAZIOZKO ZILARREZKO MIKELDIA
“BENDITO MACHINE V-PULL THE TRIGGER”, Jossie Malis (Espainia)
ANIMAZIOZKO URREZKO MIKELDIA
“ŁAŹNIA (BATHS)”, Tomek Ducki (Polonia)
DOKUMENTALEN ZILARREZKO MIKELDIA
“NAE PASARAN”, Felipe Bustos Sierra (Britainia Handia)
DOKUMENTALEN URREZKO MIKELDIA
“SHIPWRECK”, Morgan Knibbe (Herbehereak)
FILM LATINOAMERIKAR HOBERENAREN MIKELDIA
“MAREA”, Adam Breier (Kuba)
