“Bilbao – Bizkaia. EXTERIOR – DÍA”, Bilbao – Bizkaia Film Comissionek eta Bilboko Dokumentalen eta Film Laburren Nazioarteko Jaialdiak – Zinebik bultzatutako talde-egitasmoa da, eta azaroaren 16an estreinatuko da, Jaialdian bertan.
Filma osatuko duten zazpi film laburretatik, Luis Maríasek, Javier Rebollok, Sra. Polaroiskak, Enrique Urbizuk, Mikel Ruedak eta Pedro Oleak euren lanak errodatu dituzte dagoeneko hirian.
“Parpadeos” da Imanol Uribe zinegileak Bilbon BIHAR errodatuko duen film laburraren izenburua, eta Bilboko Dokumentalen eta Film Laburren Nazioarteko Jaialdiaren – Zinebiren hurrengo edizioan estreinatuko den talde-film luzearen azken katebegia –zazpigarrena– izango da. Oraingo honetan, lanaren argumentua Bilboko biztanleak ebakuatzera eramaten duen ihes nuklearra izango da. Eszenatokia Abandoibarrako pasealekua izango da, Guggenheim Museoaren inguruetan.
“Bilbao – Bizkaia. EXTERIOR – DÍA” izena daraman filma, Bilboko Dokumentalen eta Film Laburren Nazioarteko Jaialdiak – Zinebik eta Bilboko Udalak eta Bizkaiko Foru Aldundiak bultzatutako Bilbao – Bizkaia Film izenekoak, sustatzen dute, Hirian denbora gehien daraman jaialdiaren nortasun zeinua den film laburrari balioa emateko eta, aldi berean, hiria eta bertako gune publikoak, batez ere, erakusleiho izateko leku egoki gisa erakusteko xedez, mota guztietako ikus-entzunezko produktuak errodatzeko.
“Bilbao – Bizkaia. EXTERIOR – DÍA”, Bilbo, bere ingurunea eta espazioak, nazioartean zine eta ikus-entzunezkoen industriaren eszenatoki gisa sustatzeko xedez sortzen den eta film laburrez osatuta dagoen film luzea da. Horretarako zazpi zinegile elkartu dira, batzuk beteranoagoak, besteak gazteagoak, denboran zehar askotan filmatu den eta orain goitik behera eraldatuta dagoen hiriarekin duten erlazioaren zazpi begirada pertsonal emateko. Zazpiek euren esfortzua bateratuko dute, oso ikuspuntu anitzetatik filmatutako hiriaren erretratua osatzeko, Bilboko eta Bizkaiko ekonomiaren motore berri izan daitekeenaren hiri espazioen katalogoa osatzeko.
Filma osatuko duten film laburretatik, Luis Maríasek, Javier Rebollok, Sra. Polaroiskak, Enrique Urbizuk, Mikel Ruedak eta Pedro Oleak eurenak errodatu dituzte dagoeneko Hirian. Guztiak ere zinegile bilbotarrak dira, bertan jaiotakoak edo bilbotartuak.
Elkarren artean oso desberdinak diren generoko klabeak, fikziozko erregistroak eta baliabide estilistikoak erabiliz, talde egitasmo horrek, Itsasadarra, Ibaieder parkea, Zazpi Kaleak eta Bilbo Zaharra, Uribitarte Pasealekua bezalako lekuak, eta baita Hiriaren zortzi barrutiak osatzen dituzten auzoetako txoko bereziak ere beste modu batera ikusteko aukera emango du. Azken emaitza ikusteko azarora arte itxaron beharko da, filma azaroaren 16an estreinatuko baita Campos Antzokian, Zinebi 57ren hurrengo edizioaren barruan.
OHARRA: Ez dago prentsaurrekorik aurreikusita, baina Imanol Uribek arreta eskainiko die aurretik eskaria egin duten komunikabideei 11:30etatik aurrera, errodatze lanen atsedenaldietan, horretarako aukera duenean. Zinebiko prentsa bulegoaren bitartez kudeatu beharko da.
LEKUA: Abandoibarrako pasealekua, Arrupe Aitaren igarobidetik umeentzako jolasen guneraino (txinboak).
ZINEBIko Prentsa Bulegoa
Irma Cerro
T: 94 435 63 30 / 628 538 215
www.zinebi.com
