5. parrokiak (Asisko San Frantzisko) Gaudeamus Hodie Abesbatza eta Garaizarko Matzorriak taldeen kontzertua jasoko du GAUR ARRATSALDEAN, 20:00etatik aurrera.
Musika zikloa abenduaren 27an amaituko da, Basurtuko Sortzez Garbiaren elizan, Ars Viva Abesbatza eta San Anton Abesbatza taldeen ahotsekin.
Abandoko, Castañoseko, Deustuko, Zazpi Kaleetako, Santutxuko, Basurtuko, Errekaldeko eta San Inazioko bederatzi elizak, Bilboko Udaleko Kultura eta Hezkuntza Sailak antolatutako Gabonetako Abesbatzen Kontzertuak jasoko dituzte.
Aurtengo edizioan, ekimenak 22 talde bilduko ditu, eta ehun kantu baino gehiago eskainiko dituzte, horien artean Gabonetako kantak eta Euskal Herriko abesti herrikoiak, baina baita munduko beste leku batzuetakoak ere. Emanaldi guztietarako sarrera librea izango da.
GAUR ARRATSALDEKO emanaldia Asisko San Frantzisko elizan, 5. parrokian, izango da (20:00etan) eta bertan parte hartuko duten taldeak ahots zuriz osatutako Gaudeamus Hodie Abesbatza eta ahots larriz osatutako Garaizarko Matzorriak izango dira.
BIHAR larunbata (20:15ean), Errekaldeko Nuestra Sra. Del Rosario elizak, Bizkaiko Ingeniarien Abesbatzak eta Emitenia Ganbera abesbatzak emango duten kontzertua jasoko du. Bi taldeak ahots mistoz osatuta daude. Kontzertuek hurrengo ostegunean jarraituko dute, ABENDUAREN 18an, oraingo honetan San Inazioko elizan, 20:15ean, Mendaski Abesbatza eta Euskeria Abesbatza taldeekin.
Gabonetako Abesbatza Kontzertuak Zazpi Kaleetako San Anton elizara (ABENDUAREN 19an), Deustuko San Pedrora (ABENDUAREN 20an), Abandoko Jesuiten Egoitzara (ABENDUAREN 23an) eta Castañoseko El Salvador Parrokiara (ABENDUAREN 26an) helduko dira ondoren eta, zikloa amaitzeko, abenduaren 27an, Ars Viva Abesbatza eta San Anton Abesbatza taldeek azken kontzertua emango dute Basurtuko Sortzez Garbiaren elizan.
Programa honek bi helburu ditu: alde batetik, Bilboko abesbatzei, egun berezi hauetan gure Hirian aritzeko aukera eskaintzea; eta beste alde batetik, edozein adinetako eta edozein auzotako biztanleei, abesbatzen musika bikainaz gozatzeko aukera eskaintzea. Horrela, taldeek eskainiko duten errepertorioaren barruan abesti herrikoiak eta musika sakratua jasoko dira, Gabonetako mota guztietako kantei arreta berezia eskainiz.
Informazio gehiago www.bilbaokultura.eus helbidean
EGITARAUA
OSTIRALA 12 VIERNES
Iglesia de SAN FRANCISCO DE ASÍS Eliza
Hurtado de Amezaga 21
20:00
Gaudeamus Hodie Abesbatza
Garaizarko Matzorriak
LARUNBATA 13 SÁBADO
Iglesia NUESTRA SEÑORA DEL ROSARIO Eliza
Ziudadela, 2 (Errekalde)
20:15
Coro de Ingenieros de Bizkaia / Bizkaiko Ingeniarien Abesbatza
Emitenia Coro de Cámara / Emitenia Ganbera abesbatza
OSTEGUNA 18 JUEVES
Iglesia de SAN INAZIO Eliza
Saturraran, z/g (San Inazio)
20:15
Mendaski Abesbatza
Euskeria Abesbatza
OSTIRALA 19 VIERNES
Iglesia de SAN ANTON Eliza
Saturraran, z/g (San Inazio)
19:30
Agrupación Coral de Otxarkoaga /Otxarkoagako Abesbatza Taldea
San Fran Korue
LARUNBATA 20 SÁBADO
Iglesia SAN PEDRO Eliza
San Pedro plaza (Deustua)
20:00
Otxote Argia
Begoñako Sustraiak
Coro y Orquesta de Cámara de Bilbao/Bilboko Ganbera Abesbatza eta Orkestra
ASTEARTEA 23 MARTES
Iglesia RESIDENCIA PADRES JESUITAS Eliza
Alameda Urkijo, 3 (Abando)
19:45
Arraizpe Abesbatza
Jatorki Abesbatza
Urretxindorra Abesbatza
OSTIRALA 26 VIERNES
Parroquia EL SALVADOR Parrokia
Fontecha y Salazar 7 (Castaños)
20:00
Coro Deustoarrak Abesbatza
Coro Lagundi Abesbatza
Inmakuladako Abeslariak
LARUNBATA 27 SÁBADO
Iglesia INMACULADA Eliza
Sabino Arana, 42 (Basurtu)
19:45
Ars Viva Abesbatza
San Anton Abesbatza
www.bilbaokultura.eus