-
Gala hori zuzenean emango da Radio Nervión eta TeleBilbao-ren bidez, 11:30etik aurrera, eta aurtengo lehiaketako bilbainada irabazleak biltzen dituen bilduma diskoa aurkeztuko da.
-
Galara joateko sarrerak astelehenean, hilak 12, jarriko dira salgai eta bildutako dirua ASPARBI-Parkinson Bizkaia Elkartearentzat izango da.
-
Ekitaldian Euskarazko Bilbainada Onenaren, Gaztelaniazko Bilbainada Onenaren eta zortzi akzesit-en sariak banatuko dira.
(Bilbo, 2022ko abenduaren 9a).- Abenduaren 18an, igandea, 11:30ean, Arriaga Antzokiak 2022ko Bilbainaden Galaren edizio berri bat hartuko du. Gala honetan, Bilbori buruzko konposizio berriez gozatzeko aukera izango dute bertaratuek, “Bilbainadas 2022” diskoan bildutak.
Sarrerak abenduaren 12an, astelehena, jarriko dira salgai, 2 euroko prezio sinbolikoan. Horiek antenan eskatu ahal izango dira Radio Nervionen hainbat saiotan (94 444 00 55) eta, gainera, antzokiko leihatiletan eta Kutxabank kutxazainetan. Biltzen den dirua ASPARBI – Parkinson Bizkaia Elkarteara bideratuko da, lehiaketan parte hartzeko eta gai bat aurkezteko egin duten ahalegina aitortzeko. Gainera, 2022ko gaztelaniazko modalitatean konposizio irabazlea izan da.
Ekitaldian hiriko bilbainada talde ezagunenek parte hartuko dute, diskoaren grabazioan ere parte hartu baitute. Bilduma hau 10 euroren truke jarriko da salgai, eta Udal Liburutegien Sarean mailegatzeko moduan egongo da. 2022ko Bilbainada Lehiaketako hamar abesti irabazleak biltzen ditu, hiriko bilbainada talde ezagunenetako batzuek interpretatuta.
Gala hau Bilboko Udalak antolatu du, Radio Nervión eta TeleBilbaoren laguntzarekin, eta zuzenean ikusi ahal izango da.
Ekitaldian, Euskarazko Bilbainada Onenaren saria emango zaio Juan Carlos Arzamendi Fernandez eta Aintzane Arzamendi Morenori, “Bakarra Munduan” izeneko konposizioagatik; eta Bilbainada Onenaren saria gaztelaniaz ASPARBI-Parkinson Bizkaia Elkartearentzat eta Iñaki González Bilbaorentzat izango da, “ASPARBI Bilbotarrak” abestiagatik.
Gainera, aurtengo zortzi accesitak ere emango dira:
- “Egunon Bilbao”, Jacinto Oñate Iseñ eta Agustín Ferrero Fernándezena
- “Bilbao”, Roberto Gutiérrez de Rozas Cadiñanosena
- “Bilbao alma grande”, Agustín Ferrero Fernández eta Eduardo Robles Garcíarena
- “¡Qué gran semana!”, Juan Carlos Guerrero Tudearena
- “Festak gozatzen”, José María Larrazabalena
- “Santo Tomás egunean”, Mikel Aginagalde, Ekaitz Aranberri eta Asier Kortabarriarena
- “ZUBILBAO”, Juan Carlos Auzamendi Fernándezena
- “Petiso”, Miguel Ángel Gómez Urtiagarena
BILBOKO HISTORIA
Bilbainada lehiaketa, urteen poderioz, hiriko gaurkotasuna errepasatzen duten abestien bilduma bihurtu da. Gai horiek Bilboko historia kontatzen dute, bere arkitektura-lanetan, garraiobideetan, erakundeetan edo pertsonaiarik esanguratsuenetan oinarrituta. Lehiaketa honen bidez, Udalak, Radio Nervión eta Telebilbaoren laguntzarekin, musikaren sorkuntza sustatu nahi du, jai-espirituari eta abesti herrikoiaren tradizioari eutsi bilbainaden eskutik.
SARE SOZIALAK
#BILBAOGABONAK
