BAD – BILBAO ANTZERKI DANTZA GARAIKIDEKO JAIALDIA SANTUTXUKO METRO-GELTOKIRA IRITSIKO DA, EVA GUERRERO ARTISTAREN ARGAZKI-ERAKUSKETAREKIN
‘Donde yo empiezo, tú terminas’ erakusketa Karmeloko irteeran ikusi ahal izango da, urriaren 13tik 23ra.
Proposamen honekin, hirian egingo den jaialdia, hilaren 15etik 25era, arte eszenikoetara bideratutako espazioetatik haratago zabalduko da.
BAD #BilbaoUdazkena2020 programaren barruan dago, kalitatezko kulturaren eta Bilboko Udaleko tokiko kultura-eragileen aldeko apustua, urrian eta azaroan hiria kulturaz betetzeko.
(Bilbon, 2020ko urriaren 9an).- BAD – Antzerki eta Dantza Garaikideko Jaialdiak, Bilboko Udalak antolatua, urriaren 15etik 25era bere hogeita bigarren edizioa ospatuko du. Hala, egun batzuk lehenago, asteartean, urriaren 13an, jaialdiari hasiera emateko, Santutxuko metro-geltokian –Karmelo irteera–, Eva Guerreroren ‘Donde yo empiezo, tú terminas’ argazki-erakusketa izango da ikusgai.
Eva Guerrero koreografoa eta sortzaile eszenikoa da eta Bilbon dago finkatuta. Bere ikuskizunek gorputz adierazgarriak erabiltzen dituzte istorioak kontatzeko, non emozioa teknikaren gainetik dagoen eta eszena poesia eta indarra biltzen dituen.
Erakusketa honen izenburua “Donde yo empiezo, tú terminas” argazkiaren eta mugimenduaren arteko uztarketa da. Eva Guerrerok 2019tik gorputzaren mugen, distantzien eta ertzen inguruan eta erdian geratzen den guztiaren inguruan garatzen duen “Tierra de nadie” sorkuntza-prozesutik sortzen da.
Erakusketa honetarako, “non amaitzen da gorputz bat eta non hasten da bestea?” galderatik abiatzen da eta, testuren eta formen bitartez, espazio ikusezin hori ukigarri egitea proposatzen du. Esther Camachoren begiradak Eva Guerreroren eta Garazi Lopez de Armentiaren gorputzen hutsune eta forma horiek argi-itzaletan interpretatzen ditu, Azegiñe Urigoitiaren zuzendaritzapean.
BAD – BILBAO ANTZERKI DANTZA GARAIKIDEKO JAIALDIA
BAD urriaren 15etik 25era ospatuko da hainbat gunetan, arte eszenikoen eta Bilboko abangoardiaren erreferentzia, hala nola Bilborock aretoa, Campos Antzokia eta bere Kupula Aretoa, Harrobia, Berreginen Museoa eta La Fundición. Jaialdiaren 22. edizioan bost ikuskizun izango dira aurten erabateko estreinaldia, eta sei Euskadin. Jaialdiak konpainien eta tokiko eszenaren aldeko apustu argia egin du, haien ikuskizunek programazioaren erdia baino gehiago betetzen baitute.
Prezioei eta sarrerak erosteko moduari buruzko informazio guztia esteka honetan ikus daiteke.
BAD #BilbaoUdazkena2020 ekimenaren parte da. Proposamen honekin, Bilbo kulturaz, gustu eta interes guztietarako planez beteko da urrian eta azaroan. #BilbaoUdazkena2020 Bilboko Udalak kultura-sektorea bultzatzeko eta hari eskua emateko egindako apustua da, COVID-19 krisiak gehien eragiten dion sektoreetako bat dela baitaki.
SARE SOZIALAK:
∙ Bilbao Udala: FACEBOOK | TWITTER | INSTAGRAM
∙ Bilbao Kultura: YOUTUBE | FACEBOOK | TWITTER | INSTAGRAM
#BAD2020 #BilbaoUdazkena2020
www.bilbaokultura.eus
